Patatsop

sweet potato soup


Maklike, heerlike sop wat die hele gesin sal geniet.

GENOEG VIR 6 MENSE
Bereiding: 10 min.
Gaarmaak: 45 min.

1 kg patat, grof gekap
300 g pampoen, in blokkies gesny
2 appels, in wiggies gesny
45 ml (3 e) olyfolie
sout en vars gemaalde peper
1 ui, fyn gekap
10 ml (2 t) koljandersaad, fyn gedruk
10 ml (2 t) komynsaad, fyn gedruk
20 g vars gemmer, gerasper
400 g klappermelk
750 ml (3 k) groenteaftreksel
Griekse jogurt en gekapte koljander vir voorsit

Voorverhit die oond tot 200 °C.
1.    Sprei die patat, pampoen en appelwiggies in ’n groot roosterpan uit. Bedruip met 30 ml (2 e) van die olie en geur met die sout en vars gemaalde peper. Rooster 30 min. of tot sag en goudkleurig.
2.    Verhit die oorblywende olie in ’n groot kastrol. Voeg die ui by en braai 5 min. oor matige hitte. Voeg die koljander en komynsaad by en braai nog 5 min. tot geurig.
3.    Voeg die gemmer, klappermelk, aftreksel en ’n knippie sout by en laat liggies prut. Wanneer die patat, pampoen en appel gaar is, voeg dit versigtig by die kastrol. Laat prut nog 5 min. en verwyder van die hitte. Verwerk die sop met ’n stokmenger tot glad.
4.    Sit voor met ’n skeut jogurt en ’n bietjie gekapte koljander bo-oor gestrooi.

Deur Hope Malau
Foto: Megan Miller