Braai-aartappels

???????


Hier is ’n heerlike nuwe manier om braai-aartappels voor te sit.

Genoeg vir 4-6 mense
Bereiding: 5 min.
Gaarmaak: 45 min.

500 g baba-aartappels
80 ml (⅓ k) olyfolie
3 knoffelhuisies, fyngemaal
15 ml (1 e) droë gemengde kruie
’n knippie cayennepeper
sout en peper
30 g parmesaankaas, gerasper
2 sprietuie, in skywe gesny
Sous
30 ml (2 e) suiker
30 ml (2 e) witwynasyn
5 ml (1 t) heelkorrelmosterd
2,5 ml (½ t) brandrissievlokkies
125 ml (½ k) olyfolie

Voorverhit die oond tot 200 ˚C.

  1. Sny met ’n skerp mes diep kepe in die rou aartappels.
  2. Meng die olie, knoffel, kruie, cayenne, sout en peper in ’n klein bak. Verf die mengsel oor die aartappels.
  3. Sit die aartappels op ’n gevoerde bakplaat en 45 min. in die oond terwyl jy dit af en toe bedruip tot die aartappels bros aan die buitekant en sag aan die binnekant is. Haal uit die oond.
  4. Garneer met die parmesaankaas en sprietuie.
  5. Sous: Meng al die bestanddele en giet oor die aartappels.

Deur Hope Malau
Foto: Misha Jordaan