Varkreepbredie

Drum


’n Heilsame bredie met die goedheid van tamatie.

GENOEG VIR 6 MENSE
Bereiding: 10 min.
Gaarmaak: 1 uur 10 min.

1 kg varkrepe
30 ml (2 e) vinkelsaad, fyngedruk
15 ml (1 e) brandrissievlokkies
2 suurlemoene, skille gerasper
30 ml (2 e) olyfolie
2 uie, in skywe gesny
30 ml (2 e) tamatiepasta
2 x 400 g-blikke gekapte tamatie
300 ml hoenderaftreksel
15 ml (1 e) suiker
sout en vars gemaalde peper

1. Vryf die vark met die vinkelsaad, brandrissievlokkies en suurlemoenskil. Geur goed en sny in groot stukke – sowat 5 cm.
2. Verhit die olie in ’n groot pan oor matige hitte en soteer die uie 10 min. of tot sag terwyl jy af en toe roer. Haal uit die pan en sit eenkant.
3. Voeg die varkstukke in sarsies in die pan en braai 5 min. in die olie tot goudkleurig en geurig.
4. Voeg die tamatiepasta by en kook 30 sek. terwyl jy roer. Voeg die geblikte tamaties en aftreksel by en bring tot kookpunt. Verlaag tot prut, bedek en kook 1 uur.
5. Geur met die suiker en sout en vars gemaalde peper.

Deur Hope Malau
Foto’s: Megan Miller