Viskoekies

viskoekies


Hierdie viskoekies is heerlik – selfs die kinders sal dol wees daaroor.

GENOEG VIR 6 MENSE
Bereiding: 10 min.
Gaarmaak: 6 min.

500 g stokvis, gekap
5 agurkies, gekap
15 ml (1 e) Dijon-mosterd
400 g cannellini-bone
sout en vars gemaalde peper
250 ml (1 k) broodkrummels
60 ml (¼ k) olyfolie
mayonnaise en suurlemoenwiggies vir voorsit

1. Plaas die stokvis, agurkies, mosterd, bone, sout en peper in ’n verwerker en pols tot net gemeng.
2. Vorm in koekies en bedek met die broodkrummels. Verhit 15 ml (1 e) olie in ’n kleefwerende braaipan oor matige hitte. Braai die viskoekies in sarsies 3 min. weerskante of tot goudbruin en voeg nog olie by indien nodig.
3. Sit voor op broodrolletjies saam met mayonnaise en suurlemoenwiggies.

Deur Hope Malau
Foto’s: Megan Miller