Bobotie met nacho’s

Drum


Omskep ’n klassieke maaltyd in ’n stylvolle partytjiegereg.

Genoeg vir 6 mense
Bereiding: 10 min.
Gaarmaak: 25 min.

30 ml (2 e) olyfolie
1 ui, fyn gekap
2 knoffelhuisies, gekneus
5 cm-stuk gemmer, gerasper
500 g beesmaalvleis
30 ml (2 e) matige kerriepoeier
2 lourierblare
125 ml (½ k) rosyntjies
250 ml (1 k) beesaftreksel
sout en vars gemaalde swartpeper
1 eier
2,5 ml (½ t) borrie
45 ml (3 e) melk
nacho’s en guacamole vir voorsit

1. Verhit die olie in ’n groot, diep pan oor matige hitte. Braai die ui 3 min. terwyl jy roer of tot sag. Voeg die knoffel en gemmer by en braai nog 2 min. of tot geurig.
2. Voeg die maalvleis by en breek dit met ’n houtlepel in stukke. Braai 5 min. tot bruin. Roer die kerriepoeier, lourierblare en rosyntjies by en braai nog 2 min. Roer die beesaftreksel by.
3. Geur met die sout en peper en laat dan 10 min. saggies prut. Klits die eier, borrie en melk saam in ’n bak. Verwyder die pan van die hitte en roer die eiermengsel daarin. Braai nog 10 min.
4. Sit saam met die nacho’s en guacamole voor.

Deur Hope Malau