Romerige heuningmosterdhoender met spekvleis

Huisgenoot


Dié romerige, soet mosterdsous is eenvoudig volmaak in hierdie hoendergereg.

Genoeg vir 6 mense
Bereiding: 10 min.
Gaarmaak: 25 min.

80 ml (⅓ k) heuning
45 ml (3 e) heelkorrelmosterd
4 knoffelhuisies, fyn gedruk
15 ml (1 e) olyfolie
sout vir geur
8 hoenderstukke
200 g spekvleis, in blokkies gesny
80 ml (⅓ k) room
250 ml (1 k) dikroom-jogurt
15 ml (1 e) mielieblom gemeng met 30 ml (2 e) water
’n hand vol pietersielie, gekap

1. Meng die heuning, mosterd, knoffel, en olie in ’n groot bak. Geur met sout. Bedruip die hoender egalig met die sous. Plaas eenkant.
2. Verhit ’n kleefwerende pan oor matige hitte. Braai die spek tot bros en skep in ’n bord. Braai die hoender in dieselfde pan tot dit net begin verbruin aan elke kant.
3. Voeg die oorblywende heuningmosterdsous in die pan saam met die room, jogurt en mielieblom. Verhit tot prutpunt terwyl jy af en toe roer tot die hoender deurgaar is.
4. Bedek met die spekvleis en garneer met pietersielie.

Deur Carmen Petersen
Gestileer deur Hope Malau
Foto’s: Megan Miller