In hierdie week se uitgawe onthul adv. Barbie se ma deur watter hel sy gegaan het en hoe sy magteloos moes toekyk hoe Dirk Prinsloo haar eens voorbeeldige dogter in ’n seksmonster verander het.
As jy dit nog nie gedoen het nie, besoek ons nuwe webtuiste by www.huisgenoot.com – dit sal jou Huisgenoot-plesier net nog groter maak! Wilmer Müller is onlangs as ons webredakteur aangestel. Hy het hope ervaring op die internet-terrein en het ons webtuiste laat herontwerp om dit lekkerder en gebruikersvriendeliker te maak.
Die eindproduk is ’n lewendige webwerf vol inligting wat veel makliker is om te gebruik. Maar die beste nuus is dat jy as leser op ons webtuiste regstreeks met ons en met ander lesers aan die gesels kan raak, en ons natuurlik kan laat weet hoe jy oor ons artikels voel. Ons lesers se mening is vir ons baie kosbaar en ons waardeer alle terugvoer, ook dit wat minder aangenaam is!
Jy kan joernaliste se blogs lees en daarop kommentaar lewer – Hannelie Booyens, Jaco Hough-Coetzee, Alet van Zyl en Lucia Swart-Walters skryf onder meer oor wat agter die skerms by Huisgenoot gebeur.
Jy sal video’s, foto’s en veel meer daar ontdek wat daagliks bygewerk word. Huisgenoot het ook die Apple-gier aangegryp en ons het nou ons eie iPhone-apparaat wat jy gratis by die iTunes-winkel kan aflaai. Ons het ’n mobi-webtuiste vir mense met gewone selfone as jy nie ’n iPhone het nie – tik net m.huisgenoot.com op jou selfoon se blaaier in.
Jy kan ons ook volg op Facebook en Twitter, waar ons daagliks inskrywings maak oor wat ons aanvang en wat aan die gang is. Besoek ons Facebook-webwerf by www.facebook.com/huisgenoot en gaan na www.twitter.com/huisgenoot vir Twitter.
Lees vandeesweek se Huisgenoot vir nog inligting oor ons tegnologiese vooruitgang.