Al die Tempo-wenners! Video's!

E-pos
Print
Nicholis Louw is as gewildste sanger vereer
Nicholis Louw is as gewildste sanger vereer

Huisgenoot het die groot sterre van die Afrikaanse musiekwêreld Dinsdagaand vereer met die aankondiging van die Huisgenoot-Tempo-wenners vir 2010.

Net albums en musiekvideo’s wat tussen 1 Mei 2009 en 30 April 2010 in die handel uitgereik is, het tydens die beoordelingsproses in aanmerking gekom.

Die Tempo-eerbewyse, waar Nicholis Louw as die gewildste manlike kunstenaar en Juanita du Plessis as die gewildste vroulike kunstenaar aangewys is, is die belangrikste toekenningsplegtigheid vir die Afrikaanse musiekbedryf.

By hierdie geleentheid is die wenners van vanjaar se Huisgenoot-Liedjieskryfkompetisie ook aangekondig. Die doel hiervan is om nuwe liedjieskryftalent in Afrikaans te ontgin.

Die wenners is:
Alternatiewe musiekvideo van die jaar saam met MK: Jan Blohm – 7 Jaar
DVD van die jaar: Juanita du Plessis – 10 Jaar Platinumtreffers
Musiekvideo van die jaar met kykNET: Lianie May – Toe Stop My Hart
Gewildste gospelalbum: Romanz – Ek Sal Getuig
Gewildste humor- / komedie-album: Sorina – Hoezit My Tjomma
Gewildste kindermusiekalbum: Carike Keuzenkamp – Carike en Ghoempie
Gewildste kontemporêre album: Rudi en Corlea – Drome
Gewildste kopskuifalbum: Willim Welsyn – Maanplaas
Gewildste popalbum: Bobby van Jaarsveld – Net vir Jou
Gewildste rockalbum: Jan Blohm – 7 Jaar
Gewildste sokkie- of dansalbum: Kurt Darren – Die Beste Medisyne
Gewildste tradisionele musiekalbum: Die Penkoppe – Jeug-erfenis
Gewildste nuweling: Rudi en Corlea – Ons Lieflinge/Our Darlings
Gewildste manlike kunstenaar: Nicholis Louw
Gewildste vroulike kunstenaar: Juanita du Plessis
Gewildste liedjie: Bobby van Jaarsveld – Spieëltjie
Topverkoper van die jaar: Bok van Blerk – Afrikanerhart

Huisgenoot-Liedjieskryfwenners
Musiek- en liriekwenner: Nikka – Baby, Baby, Baby
Musiek- en liriekwenner (2de plek): Waldo Greeff – Is Dit Jy?
Musiek- en liriekwenner (3de plek): Martiens Joubert – Bakgatboogie
Leserskeuse: Waldo Greeff – Is Dit Jy?
Liriek: Dave Lubbe – Wense
Sien al die foto's in die Huisgenoot van 5 Julie 2010.
Kyk ons video's hieronder - en KLIEK HIER vir nog video's van die aand!

Video onderhoud met Nicholis Louw


Video - Onderhoud met Juanita du Plessis



Jou kommentaar is suksesvol gestuur!


Gebruiksooreenkoms:
Huisgenoot behou die reg voor om enige/alle kommentaar te redigeer en/of uit te wis.
Kommentaar wat hier ontvang word, kan ook gebruik word vir publikasie in die Huisgenoot-tydskrif of verwante Media24 publikasies.

Kommentaar word gemodereer en gepubliseer of uitgewis op grond van:
  • Die toepaslikheid van die kommentaar op die artikel
  • Beledigende inhoud
  • Verdagte gebruikersnaam en/of eposadres
  • Herhaling van mening en/of kommentaar
  • Kommentaar wat die Huisgenoot-handelsmerk skade kan doen

Kommentaar (34)


  1. Lee
    2010/12/30 05:45:29 nm
    Die beste liriek is 'n absolute wenner. Wonderlike lirieke deur Dave Lubbe en 'n pragtige toonsetting deur Nianell.
    Dit is fantasties dat Huisgenoot 'n kategorie geskep het vir BESTE LIRIEKE in die Tempo liedjieskryfkompetisie.
    'n Goeie liedjie gaan nie net oor die wysie nie! Dit wil deesdae voorkom asof die wysie net 'n lekker doef-doef moet hê, en die (meestal swak) woorde maak nie saak nie. Ongelukkig lyk dit asof sulke liedjies die GROOT verkopers word. Ons het regtig in Afrikaanse musiek beter lirieke nodig.
    Enige iemand kan woorde soos "baby, baby, bokkie, sokkie, rokkie" laat rym, maar om 'n gehalte liriek te skryf is 'n kuns en verg ware talent.
    Welgedaan, Dave Lubbe!
  2. bernice:
    2010/12/01 11:45:24
    ek wil net almal geluk wens,julle was awesome gewees,en vernaam vir bobby,jy was puik.
  3. bernice:
    2010/12/01 11:38:33
    ek wil net baie geluk sê aan almal,en vernaam vir bobby v.j. Jy is puik,ek hoop om nog baie van jou musiek te hoor.
  4. JACQUES
    2010/09/03 09:48:26 nm
    Jo ek wil aan almal baie geluk se maar jo Bobby Jy het dat ek somer hoendervleis kry toe jy waarlik ons Hemelse Vader se regte naam uitgespreek het..''Jashua Die Mesea'' jo dit is waar ....jys awsome...oor daardie rede en ook dan jou gr8 songs..dankie
  5. Die Penkoppe Boereorkes (Antonie Marais)
    2010/08/08 04:25:30 nm
    Ons wil graag vir Huisgenoot en Esmare Weideman baie dankie se vir die voorreg wat die Penkoppe Boereorkes te beurt geval het om deel te kon wees van die Huisgenoot Tempo Toekennings 2010. Dit was vir ons 'n groot voorreg om ons eerste Tempo Toekenning vir die Beste Tradisionele Album te ontvang. Ons hoop ons kan weer volgende jaar deel wees van die toekenningsaand. Baie geluk met 'n PUIK aand! Huisgenoot rock!
  6. Jacomina
    2010/08/04 08:25:06 nm

    Almal wat gewen het, het verdien om te wen. Aan die mense wat suurdruiwe is oor Nicholis wat gewen het, kom daaroor. Hy werk hard en verdien die toekenning, hy is een van ons top kunstenaars en is hier om te bly. Ek glo Gerhard Steyn sal ook nog die toekenning wen, hy is baie talentvol en almal geniet sy musiek, maar oor Steve sal ek liewer nike sê nie.
  7. Jacomina
    2010/08/04 07:32:11 nm
    Ek dink almal wat gewen het, het verdien om te wen. Aan dié mense wat suurdruiwe is oor Nicholis wat as gunsteling manlike kunsternaar aangewys is, kom daaroor, hy werk hard en verdien die toekenning. Ek glo vas Gerhard Steyn sal die toekenning eendag wen, hy is een van ons top opkomende kunstenaars, maar ek sal liewer my mond hou oor Steve...
  8. Chrissie Marais
    2010/08/04 09:29:15
    Baaie geluk aan Die Penkoppe ons is trots op julle. Dit is fantasties om te sien dat die jeug nog steeds dink afrikaanse (boeremusiek) is cool. Is die Penkoppe die jongste kunstenaars wat al 'n Tempo toekenning ontvang het? Hulle ouderdomme het gewissel van 11 tot 13 jaar tydens die opname van hul CD Jeug Erfenis. Mooi so Huisgenoot julle bevorder beslis afrikaanse musiek!!
  9. LuLu
    2010/07/30 09:56:54 nm
    Nicholis Louw was die wenner van die LIEDJIE SKRYF KOMPETISIE!!! NIe die SKRYWER nie!!!
    Ek is siek en sat as 'n Suid Afrikaner dat ons altyd as "common" uitgebeeld word. Woorde soos "baby" word deesdae as "Afrikaans" bestempel. Miskien moet Huisgenoot/Tempo meer reëls tov tipe liedjies en kunstenaars wat dit uitbeeld stel....
  10. FREDDIE FREELOADER
    2010/07/30 01:53:45 nm
    duidelik het die liedjie skryf kompetisie nie oor die uitvoerende kunstenaar van die aand gehandel nie, alhoewel baie mense die punt mis....!!!!
    die beste liedjie het gewen en dit is al wat werklik saak maak.............
    bravo NIKKA...................!!!!!!!!!!!!!!!!
  11. Amanda
    2010/07/30 11:29:12
    Jip Nicholis ... Manlike en Manlikste (hehehe) Wenner ... Ek stem saam!!!
  12. Wow
    2010/07/30 08:37:55
    Dankie tog Kurt Darren het nie weer gewildste manlike kunstenaar gewen nie.
  13. suritha
    2010/07/30 08:23:36
    Suur druiwe. NICHOLIS JY IS DIE BETER AS DIE BESTE.
  14. Anina Ras
    2010/07/29 05:30:17 nm
    Baie geluk aan al die wenners, jul is die gunstelinge want die lesers het tog self vir julle gestem. Dankie Huisgenoot om so 'n geleentheid vir ons Afrikaanse kunstenaars te gee, om hul te vereer vir die harde werk van hulle.
  15. Daphne
    2010/07/29 02:34:03 nm
    Willim Welsyn moes al lankal op die voorgrond gewees het. Een van ons groot talente.Welgedaan.
  16. DESERE BASSON
    2010/07/29 02:16:10 nm
    BAIE GELUK AAN ALMAL EKS BLY JUANITA DU PLESSIS IS DIE GUNSTELING VROULIKE KUNSTENAAR SY VERDIEN DIT
  17. Marlene
    2010/07/29 01:05:23 nm
    Baie geluk aan almal veral Nicholis Louw, julle sing pragtig hou so aan.
  18. Mariette
    2010/07/29 10:56:17
    Ek stem deur en deur vir Gerhard Steyn ... iewers het iets verkeerd gegaan dat Nicolas Louw die gewildste manlike kunstenaar gekry het!! Gerhard se nuwe CD, Als Begin Eers Nou, is die beste en op hom dans ons die vloere stukkend. YOU GO GERHARD!!
  19. Elizca
    2010/07/29 08:35:46
    Baie Geluk Willim! Hoog tyd dat hy erkenning kry vir sy briljante musikale talent!
  20. CINDY R
    2010/07/29 07:23:49
    Nikka, jy is die beste!!!!! Kan nie wag om meer van jou te hoor! BABY BABY BABY IS STUNNING
  21. Raymond Erasmus
    2010/07/28 11:02:47 nm
    Ek sou wat wou gee om daar te wees .... kan net raai dit moes 'n fees wees. Ek is self in die musiek bedryf en kan dink hoe trots en opgewonde al die wenners moet voel. Die wat dit nie gemaak het nie gee net meer daardie challenge om volgende jaar in die top wenners klas te wees. Julle is almal wenners.!
  22. Johann Prinsloo
    2010/07/28 10:42:01 nm
    Hoe meer erkenning ons kunstenaars kry, hoe beter word hulle...Geluk aan almal, die lekkerste deesdae by enige klud, partytjie of troue is dat daar genoeg Afrikaanse musiek is om lekker te dans en voorwaar vir elke smaak om na te luister. Het deesdae sommer n paar gunstelinge en almal was gisteraand daar by die TEMPO -Toekennings...om hulle pryse te kry...Nogmaals geluk aan julle almal!
  23. Spook
    2010/07/28 10:28:19 nm
    Ek is baie bly vir almal wat gewen het. Juanita jy is maar die beste onder die vroulike sangers. Ek sal nou nie saam met die keuse Nicholis Louw stem nie maar wil net vir hom se, jy moet nie te bly raak nie want Steve is met 'n groot spoed weer oppad terug.
  24. Anette Senekal
    2010/07/28 09:09:20 nm
    Baie geluk aan Romanz ek is mal oor julle hou so aan. Dan dink ek Bobby en Nicholis vedien ook hulle toekenings. Rudi & Corlia is so waar Ons Darlings Baie geluk aan al die wenners Ek is trots op julle.
  25. Carin ( IL Muso Artist
    2010/07/28 08:15:23 nm
    Wat 'n ongelooflike topgehalte aand was dit gewees ! Esmarie aan Huisgenoot baie geluk aan 'n uitstekende, suksesvolle aand

    Dit was 'n voorreg om die aand by te kon woon en dit ALLES IN AFRIKAANS !!

  26. Sonja Naude
    2010/07/28 08:03:57 nm
    Was 'n baie lekker aand. Sien al uit na volgende jaar. Baie geluk aan al die Tempo wenners en al die Celebs wat die aand 'n sukses help maak het.
  27. Cardia
    2010/07/28 04:13:22 nm
    Was gisteraand daar! Esmarie, jy en jou span het 'n fantastiese show gehad. Die kwaliteit van ALLES was wereld klas. Dis Huisgenoot / Tempo se skuld dat ek so moeg is vandag, eers 3 uur vanoggend in die bed geval! Ek kan my nie voorstel dat julle kan verbeter op hierdie jaar se produksie nie..........TROTS AFRIKAANS EN TROTS HUISGENOOT LESER!
  28. Amanda
    2010/07/28 02:16:22 nm
    Baie geluk aan almal, veral Bobby van Jaarsveld !!! Mag daar volgende jaar meer nominasies wees veral met die nuwe album wat oppad is !!!
  29. Gerhard Fan.
    2010/07/28 01:40:44 nm
    Sorry maar Nicholis Louw is nie beter as Gerhard Steyn nie al het hy 'n toekenning gekry. Gerhard al het jy nie 'n toekenning gekry nie, ons almal dink jy is nog die beste en sexy daarby ook. Jy nuwe CD gaan nog ver kom, gee kaans, verder as Nicholis se nuwe song. Keep it up, jy is geseen met 'n gr8 stem en met die beste leermeester agter jou, Ons Hemels Vader, wat jou die mooiste talent gegee het en jy gebruik dit baie goed.
  30. ZAZZ
    2010/07/28 12:28:04 nm
    Baie geluk aan al die wenners, in die besonder vir Willim welsyn - jy is werklik n besondere musikant!
  31. Janetta
    2010/07/28 12:06:59 nm
    Moenie bekommerd wees....Steve oppad terug!!! Ek dink ook almal verdien die toekennings wat hul ontvang het die jaar vir hul harde werk.Baie geluk aan almal!!

    Theuns Jordaan(oulike ding) kry egter, volgens my nie die erkenning wat hy verdien nie!!

    Lief jou stukkend Theuns................
  32. M.Maritz
    2010/07/28 11:22:44
    Sal maar Vrydag vroeg die Huisgenoot koop om almal te sien!!!!!!! Kan nie wag nie, maar my gunsteling het gewen. Dis al wat tel!!!!!!!!!!
  33. gordonica
    2010/07/28 11:15:54
    baie baie geluk aan een en almal wat gewin het ek is baie trots op al ons man en vroue sangers julle almal verdien dit op reg baie .weer een baie geluk.
  34. Chantall du Plessis
    2010/07/28 10:57:54

    Gewildste nuweling: Jack Parrow
    Gewildste manlike kunstenaar: Theuns Jordaan/Bobby van Jaarsveld
    Gewildste vroulike kunstenaar: Elizma Theron