150 g donkersjokolade, grof
gekap
150 g Stork Bake
3 eiers
3 eiergele
80 ml (¹⁄₃ k) strooisuiker
80 ml (¹⁄₃ k) koekmeel
30-40 ml (6-8 t) geklopte room
Voorverhit die oond tot 180 °C. Smeer 6-8 klein oond-vaste koppies. Smelt die sjokolade en Stork Bake oor lae hitte of in die mikrogolfoond teen 50%-krag. Laat effens afkoel.
Klits die eiers, eiergele en suiker sowat 10 minute saam tot dik en liggeel. Klits die sjokolademengsel hierby in. Sif die meel oor en vou dit versigtig in. Vul elke koppie driekwart met die mengsel en bak 10-15 minute of tot die poedings net ferm is. Versier elk met 5 ml (1 t) geklopte room en sit dadelik voor.
Lewer 6-8 poedings.
WAAR en WANNEER kan ek die Stork-resepte kry?
Een keer per maand word ‘n dubbelblad resep-artikel in Huisgenoot en YOU gepubliseer. Hierdie resepte kan uitgeknip en in jou Stork Joernaal geplak word. Sowat twee weke later sal dieselfde resepte ook op www.huisgenoot.com beskikbaar wees (gaan na KOS en dan Stork).
Die resepte word gepubliseer van Februarie 2010 tot Janaurie 2011.
HOE gemaak as ek van die resepte misgeloop het?
Gaan na www.huisgenoot.com en klik op KOS en dan Stork-resepte – jy kan die resepte daar kry. Die resepte word gepubliseer van Februarie 2010 tot Janaurie 2011.
Jy kan ook ‘n vorige uitgawe van HUISGENOOT bestel (teen gewone prys) by Huisgenoot Intekenare by telNA. 0860 103 687
WAAROM pas die internet-resepte nie in die ruimte daarvoor gelaat in my Stork-joernaal nie?
Jou Stork-joernaal is ontwerp met die resepte, soos gepubliseer in Huisgenoot, ingedagte. Ongelukkig kan ons net die kopie op die webblad verskaf. Af jy wil hê dit moet lyk soos in die Joernaal moet jy seker maak dat jy nie jou uitgawe van Huisgenoot misloop nie! Jy kan ook ‘n vorige uitgawe van HUISGENOOT bestel (teen gewone prys) by Huisgenoot Intekenare by tel. 0860 103 687
HOE gemaak as ek nog 'n joernaal wil kry
Nie jou kopie van die joernaal gekry nie? SMS die woord JOERNAAL en jou naam en adres na 39354. Elke SMS kos R15 en sluit die joernaal en posgeld in.