André Rieu is een van die wêreld se werklik-unieke kunstenaars. En hy kom volgende jaar vir die derde agtereenvolgende jaar Suid-Afrika toe.
Die maestro en sy Johann Strauss-orkes gaan in Augustus 2012 by die GrandWest Arena, Kaapstad optree.
Sy optredes is bekend daarvoor dat dit die vrolikheid in klassieke musiek terugsit; met André se dansende vingers en sy weergalose passie vir musiek is dit soms moeilik om vas te stel wie sy uitvoerings die meeste geniet - die musikante of die gehoor.
Dis nie ongewoon vir die gehoor om heerlik-loslit saam te sing of hande op maat van die musiek te klap nie.
Danksy ons Reisklub kan jy van hierdie geleentheid 'n heerlike wegbreek-okkasie maak met verblyfpakkette in die wêreldbekende Victoria & Alfred Waterfront.
Daar's 'n oormaat van onvergeetlike ervarings wat op j ou wag: meer as 80 restaurante, 450 binnenshuise winkels, flieks, vermaak in die Amfiteater Saterdae en Sondae, straatmusikante, markte en heelparty land- en seegebaseerde toeriste-aantreklikhede.
THE TABLE BAY (5-ster) is 'n luukse hotel sentraal geleë in die Victoria & Alfred Waterfront. Verblyfpakkette vanaf R4 020 per persoon wat deel.
PROTEA BREAKWATER LODGE (2-ster), ook geleë in die Victoria & Alfred Waterfront met verblyfpakkette vanaf R3 175 per persoon wat deel. Of bring jou vriende saam en deel 'n twee-bed-verblyfeenheid vanaf R2 605 per persoon, gebaseer op vier persone per eenheid.
Ingesluit by die prys is twee nagte se verblyf in die hotel van jou keuse, daaglikse buffet-ontbyt, retoervervoer tussen jou hotel en die GrandWest op 23 Augustus, voorkeursitplekke vir André Rieu se vertoning om 20:00.
Bel 011-886-9545 of stuur ’n faks na 011- 886-9548 of e-pos na huisgenoot@megatrav.co.za vir besprekings, nog inligting, bepalings en voorwaardes.