Dit moes ’n eenvoudige prosedure gewees het – enkele minute in die teater, ’n bietjie ontsmetmiddel en alles moes verby gewees het. Maar toe die ma buite in die wagkamer haar seuntjie se histeriese gille hoor opklink, het haar hart yskoud geword.
Iets het daardie dag in die staatshospitaal op Vryheid verskriklik skeefgeloop, en vandag, vier maande later, is Hester en Spekkies van Vuuren steeds oorbluf en verslae oor wat gebeur het. Dit moes dan net ’n vinnige besnydenis gewees het, maar toe verloor klein Marco die helfte van sy penis...
Van wat eens die normale geslagsdeel van ’n vyfjarige seuntjie was, bly net ’n stompie oor. En ná maande van pynlike prosedures en doktersondersoeke lê die moeilikste bult nou voor: om vir ’n seuntjie te moet verduidelik hy sal nooit heeltemal soos ander seuns en jong mans wees nie.
Die Kubaanse dokter moes net ’n klein snit maak en haar kleuter besny, vertel Hester in die voorhuis van haar ouerhuis in Coronation buite Vryheid in KwaZulu-Natal waar die gesin bly. Maar toe gebruik hy stikstof, en hy verbrand Marco se penis so verskriklik dat die hele kop doodgegaan en vyf weke later letterlik afgeval het.
Lees die volledige artikel in die 11 Maart-uitgawe van Huisgenoot.