Weet jy nooit wat om vir poeding te maak nie? Of is jy soos ek met moed wat my totaal begewe sodra ek aan enige soetgebak dink? Hier is vyf baie maklike terte wat jy binne ’n japtrap kan maak en vier kitskorse – sonder moeite of teleurstellings.
Genoeg vir 4-6 mense / Bereidingstyd: 15 minute / Stoltyd: sowat 2 uur
KORS: 6 (40 g elk) muesli-energiestafies soos Jungle Energy Bar
VULSEL: 1 pakkie (80 g) pynappeljellie; 200 ml kookwater; 1 blik (375 g) kondensmelk; 60 ml (¼ k) vars suurlemoensap; 500 (2 k) grenadellajogurt; 50 ml grenadellapulp
KORS: Plaas die energiestafies in ’n mengbak en breek lossies met jou hande. Plaas sowat 10 sekondes in die mikrogolfoond net om dit meer hanteerbaar te maak. Smeer ’n tertpan (22 cm) met gesmelte botter of spuit met ’n kleefwerende kossproei. Gebruik jou vingers en druk die mengsel stewig teen die bodem en kante van die tertpan vas.
VULSEL Los die jellie op in die kookwater en laat afkoel (moenie dat dit stol nie). Klits die kondensmelk en suurlemoensap saam; dit sal effens verdik. Roer die afgekoelde jellie en jogurt hierby in. Giet die mengsel in die voorbereide tertpan en plaas in die yskas tot gestol. Garneer met grenadellapulp.