Die meeste kinders is gek oor spaghetti bolognese. Hierdie sous het lekker baie ekstra groente by om dit gesond te maak. Jy kan die sous vooraf maak en vries.
Maak 16 porsies
Bereiding: 20 minute
Gaarmaaktyd: 2 uur
Koste per porsie: +- R11,00
Bestandele
125 ml (½ k) olie
4 uie, gekap
2 knoffelhuisies, gekneus
2 groenrissies, ontkern en in klein stukkies gesny (opsioneel)
1 klein bossie seldery, in stukkies gesny
1,5 kg maer beesmaalvleis
3 blikke (400 g elk) tamaties of 1,2 kg vars pruimtamaties, ontvel
1 sakkie (300 g) spinasie, ontstingel en fyn-fyn opgekap
4 sakkies (60 g elk) tamatiepasta
30 ml (2 e) gekapte basilie
5 ml (1 t) vars roosmarynblare, gekap
5 ml (1 t) vars marjolein of origanum
15-30 ml (1-2 e) suiker
sout en vars gemaalde swartpeper na smaak
375 ml(1½ k) groente-aftreksel of rooi wyn
10-12 pakke (500 g elk) spaghetti, gaargemaak volgens die aanwysings op die pak
Metode
Verhit die olie en roerbraai die ui, knoffel, groenrissies en seldery in ’n groterige pan of kastrol tot sag. Voeg die maalvleis by en roerbraai tot gaar, maar nie bruin nie. (Breek die vleis op met ’n vurk.)
Voeg die res van die bestanddele by, bring tot kookpunt, verlaag die hitte en laat prut sowat 2 uur tot ’n geurige sous. Sit voor met spaghetti.