Genoeg vir 4-6 mense
Bereiding: 20 minute
Staantyd: oornag of minstens 1 uur
Gaarmaaktyd: sowat 3 uur
45 ml (3 e) olyfolie
20 ml (4 t) gerasperde vars gemmer
3 knoffelhuisies, fyn gekap
20 ml (4 t) garam masala
10 ml (2 t) borrie
sap en skil van een groot suurlemoen
1,5 kg lamskenkels, in 2 cm-stukke gesny
sout en vars gemaalde swartpeper
2 uie, grof gekap
2 selderystingels, grof gekap
2 wortels, geskil en grof gekap
1 blik (400 g) heel tamaties, grof gekap
50 ml tamatiepasta
2 rooi brandrissies (opsioneel)
250 ml (1 k) vleisaftreksel
Meng die helfte van die olie met die gemmer, knoffel, garam masala, borrie, sap en skil van die suurlemoen. Plaas die vleisblokkies in ’n glasbak en geur dit met sout en vars gemaalde swartpeper. Vryf die kerriemengsel in die vleis in. Maak seker al die blokkies word goed bedek met die kerrie. Bedek die glasbak en laat staan oornag of minstens 1 uur.
Verhit die res van die olie en braai die uie, seldery en wortels ’n paar minute, skep die vleis by en braai tot dit verkleur. Giet die tamaties, tamatiepasta, brand-rissies en aftreksel by, bring tot kookpunt en plaas die deksel op. Verlaag die hitte en laat prut die kerrie sowat 2-2½ uur.
Sit voor met ’n sambal van gekapte tamatie, komkommer, uie, koljanderblare, sap en skil, sout en peper.