Dis maar ’n gevaarlike affêre, dié fliekmakery. Vramaar vir Leon. Vra vir Shorty. “Weet jy hoe dit voel om deur
’n vrou met ’n handsak geslaan te word?” verneem Shorty ewe ernstig.
Hý weet. Hy wat Shorty is – eintlik natuurlik Alfred Ntombela – het juis deeglik met ’n vrou se handsak kennis gemaak toe hy en Leon Schuster onlangs weer saam fliek gemaak het.
Schuks Tshabalala’s Survival Guide to South Africa 2010 begin einde vandeesmaand draai, maar Leon lek ook nog sy wonde ná dié een. Daar was die spietkop wat hom met die vuiste toegetakel het toe hy sy lyf dronk motoris gehou het. En die vrou wat hom so hard deur die gesig geklap het dat hy net sterretjies gesien het.
Ja, in sy 24 jaar voor die cameras is hy al “goed en hard ge***’’, sê Leon met ’n laggie op die stoep van sy huis in Ruimsig, Roodepoort. “Kyk, ek is al 59 jaar oud – ek raak nou ouer en banger. Dit is nie meer lekker om ge*** te word nie.”
Daar was die keer toe iemand Leon skoon “lights out geslaan het”, nog met die maak van Oh Schuks, I’m Gatvol van 2004.
Terwyl hy daar op die naat van sy rug op die grond lê, hoor hy toe net die regisseur, Willie Esterhuizen,
uitbundig skree: “Great! Great! Dis die beste toneel in die fliek!”
Lees die volledige artikel in die Huisgenoot van 6 Mei 2010. Kyk ook ons voorskou hieronder.