Dis die soort raakvat-smul-en-deel-met-vriende-benadering tot kos wat ons nou al verwag van die TV-kok met sy seunsagtige sjarme en passie vir kook.
Ek is dol oor sy boeke – dis leersaam en onpretensieus en jy kan byna die geregte proe terwyl jy lees. Jamie se nuutste boek bring Italië na jou kombuis: die pollo alla cacciatora (hoender met rooiwyn en olywe) sorg vir ’n heilsame en vullende ete, net soos die peposo (’n peperige biefbredie). Nog ’n gunsteling is spaghetti con gameretti e rucola (met steurgarnale en roket ) – alte lekker!
Sommige resepte is kwalik alledaags (gebraaide konyn en lasagne gemaak met wildevoëlvleis), maar dis ’n interessante element van die boek se reisdagboekformaat. Die foto’s is op sigself ’n fees vir die oog – jy sal dié kookboek weer en weer deurblaai.
Jamie's Italy deur Jamie Oliver, R200.
Ons dink: 4/5