Sy pa word nie verniet Suid-Afrika se doen-ditself-TV-koning genoem nie.
So skryf sy mamma in sy bababoek, en nou sien jy dis regtig waar, want die Nutsman se hande staan wraggies vir alles reg – van doeke omruil tot toebroodjies smeer en hoenderhokke aanmekaartimmer.
Dis ’n Maandagmôre drie weke nadat die bekendeTV-egpaar Riaan en Michelle Garforth-Venter hul eersteling huis
toe gebring het, en hier by hul plek in Bryanston, Sandton, begroet ’n huislike prentjie jou.
Bondels wasgoed draai in die wasmasjien, en Michelle, bekende natuurjoernalis en TVaanbieder, staan in ’n grys
sweetpak en sonder ’n titsel grimering in die kombuis. Sy druk haar vinger in die mengbak voor haar, proe aan die beslag en glimlag tevrede.
“Herinner my: net 10 minute, dan moet hulle uit,” sê sy terwyl sy twee panne amandelmuffins in die oond druk.
“Dis een ding van moederskap: Dit voel asof my geheue ál korter raak – ek vergeet sommer dinge.”
Riaan kom in ’n paar skaapwolpantoffels teen die trap afgestap met ’n klein bondeltjie mens, toegevou in komberse,
knus in sy arms. Michelle stapvinnig nader. “Dis nou Rainn Ashton Garforth-Venter,” stel sy die bulletjie van 4,6 kg trots voor.
Sien nog foto's en lees meer oor die Venter-gesin in die Huisgenoot van 13 Mei 2010.