Dis nie nodig om pizza te bestel nie. Bly by die huis en maak die beste pizza.

Genoeg vir 6 mense

Bereiding: 15 min.

Staantyd: 2 uur

Gaarmaak: 30 min.

Kors

750 ml (3 k) meel

125 ml (½ k) polenta

5 ml (1 t) sout

15 ml (1 e) strooisuiker

10 g suurdeeg

250 ml (1 k) warm water

140 g botter, gehalveer, helfte gesmelt, helfte versag

Tamatiepasta

30 g botter

1 ui, gerasper

2,5 ml (½ t) sout

5 ml (1 t) droë origanum

5 ml (1 t) brandrissievlokkies

3 knoffelhuisies, fyn gedruk

400 g tamaties

1 ml (¼ t) strooisuiker

Bolaag

150 g mozzarella, gerasper

3 brandrissies, gekap

1 groen soetrissie

100 g sampioene, in skywe gesny

250 g strepiespek

Voorverhit dit oond tot 200 °C

1. KORS Meng die droë bestanddele. Voeg die warm water en gesmelte botter by. Knie sowat 10 min. Haal die deeg uit die bak en vorm in ’n bal. Smeer ’n groot mengbak liggies met olyfolie en plaas die deeg daarin. Bedek en laat sowat 2 uur rys.

2. Bestrooi ’n groot werkoppervlak liggies met meel, plaas die deeg op die meel en knie liggies af om enige lugborrels te verwyder. Rol die deeg in ’n groot reghoek van 15 x 12 cm. Smeer die versagte botter oor die deeg. Rol dit in die lengte op. Sny die deeg middeldeur. Vorm die twee stukke deeg in balle en rol dit tot die dikte van ’n pizzabasis uit. Plaas op ’n bakplaat en los 10 min.

3. SOUS Plaas die botter in ’n middelslag-kastrol en voeg die ui, sout, origanum en brandrissievlokkies by. Wanneer die ui effens verbruin het, voeg die knoffel, tamaties en suiker by. Stel die hitte laer en laat die mengsel prut tot verdik. Verwyder van die hitte en hou eenkant.

4. BOLAAG Smeer die tamatiemengsel oor die basisse. Strooi kaas, soetrissies, brandrissies en sampioene oor. Pak die spekvleis bo-op en bak 20 min. of tot die pizza’s goudkleurig en die spekvleis gaar is.

Deur Carmen Petersen

Gestileer deur Hope Malau

Foto’s: Megan Miller