Genoeg vir 4

Berei: 10 min.

Gaarmaak: 30 min.

30 ml (2 e) olie

4 varktjops

2 uie, gekap

250 ml (1 k) beesvleisaftreksel

2,5 ml (½ t) swartpeper

80 ml (1/3 k) suurroom

15 ml (1 e) meel

80 ml (1/3 k) melk

2 skeute worcestersous

kapokaartappel vir voorsit

1. Verhit die olie in ’n groot pan. Plaas die varktjops in die pan en braai oor lae tot matige hitte tot bruin aan albei kante. Haal die tjops uit die pan en pak op ’n bord.

2. Plaas die uie in die pan en braai tot ietwat sag. Roer die aftreksel en peper by. Plaas weer die varktjops in die pan en voeg enige oorblywende sappe op die bord ook by. Skep uie oor die varktjops, sit die deksel op en laat prut 10 min. of tot dit nie meer pienk in die middel is nie. Skep die tjops en uie op ’n bord.

3. Roer die suurroom en meel saam in ’n middelslag bak. Voeg by die aftreksel in die pan en roer tot goed gemeng. Voeg die worcestersous by en roer goed saam.

4. Plaas die varktjops en uie terug in die pan tot die tjops warm is. Sit dadelik saam met kapokaartappel voor.