GENOEG VIR 6 MENSE

Bereiding: 15 min.

Gaarmaak: 2 uur 30 min.

45 ml (3 e) olyfolie

2 uie, in dik skywe gesny

2 wortels, in dik skywe gesny

1,5 kg stowe-varkvleis

sout en vars gemaalde peper

30 ml (2 e) meel

2 knoffelhuisies, fyn gedruk

60 ml (¼ k) tamatiepasta

750 ml (3 k) hoenderaftreksel

250 g sampioene, in skywe gesny

1 vars lourierblaar

Brode

375 ml (1½ k) bruismeel

’n hand vol pietersielie, gekap

sout en vars gemaalde peper

50 g botter, gekap

1 eier, liggies geklits

250 ml (1 k) melk

Voorverhit die oond tot 150 °C.

  1. Verhit 15 ml (1 e) olie in ’n groot oondvaste pot oor matige hitte. Voeg die uie en wortels by en braai 5 min. terwyl jy af en toe roer. Skep die groente op ’n bord uit.
  2. Sit die varkvleis in ’n groot bak en geur met die sout en vars gemaalde peper. Voeg die meel by, meng goed en bedek.
  3. Verhit die oorblywende olie in dieselfde pot. Voeg die helfte van die varkvleis by en verbruin sowat 5 min. of tot oraloor verbruin terwyl jy dit af en toe omdraai. Skep op ’n bord uit en herhaal met die oorblywende varkvleis.
  4. Sit die verbruinde varkvleis en verbruinde groente terug in die pot. Roer die knoffel en tamatiepasta by. Voeg die aftreksel, sampioene en lourierblaar by en bring tot kookpunt. Bedek met ’n deksel, plaas in die oond en bak 2 uur.
  5. Brode: Meng die meel, pietersielie, sout en vars gemaalde peper in ’n middelslag-bak. Voeg die botter by en vryf in tot die mengsel soos nat broodkrummels lyk. Maak ’n holte in die middel en voeg die eier en melk by.
  6. Roer tot net gemeng en ’n sagte, klewerige deeg vorm. Verhoog die oond se temperatuur tot 200 °C.
  7. Skep eetlepels vol deeg sowat 2 cm uitmekaar op die varkvleismengsel en bak 15 min. of tot deurgaar.

Deur Hope Malau

Foto: Jacques Stander