Genoeg vir 6-8 mense

Bereiding: 15 minute

Gaarmaaktyd: sowat 15 minute

80 g spekvleis, in blokkies gesny

sap en skil van 3 suurlemoene

45 ml (3 e) vars salie, grof gekap

sout en peper na smaak

3 ontbeende varklendetjops (minstens 3-5 cm dik), die ergste vet afgesny

45 ml (3 e) olyfolie

50 g koue botter, in skyfies gesny

  1. Meng die spek, sap van 1½ suurlemoene, skil van al 3 suurlemoene, salie, sout en peper tot ’n pasta. Hou eenkant.
  2. Draai die tjop op sy sy en maak ’n vertikale snit in die middel van elke tjop, maar nie regdeur die vleis nie. Vlek die vleis oop en druk effens met die agterkant van jou handpalm. Maak snytjies kruis en dwars oor die vleis. Vryf die pasta oor die vleis en in die snye.
  3. Verf die vleis met die olie.
  4. Pak op ’n toeklaprooster en braai die vleis 6-8 minute op matige kole met die gesmeerde kant na die vuur. Draai die
  5. vleis om en braai nog sowat 8 minute of tot net gaar.
  6. Rangskik die vleis op ’n opdienbord en pak die botterskywe bo-op sodat die botter smelt.
  7. Geur die vleis met die res van die suurlemoensap en garner met die salieblare.