Druk dit in die oond, sit agteroor en geniet die aromas wat deur die kombuis sweef.

Genoeg vir 6

Bereiding: 10 min.

Gaarmaak: 3 uur

Vark

1 kg varkbraaistuk

2 uie, grof gekap

400 g gekapte tamaties

5 ml (1 t) tamatiepasta

4 knoffelhuisies, heel fyn gedruk

30 ml (2 e) sojasous

15 ml (1 e) paprika

30 ml (2 e) suiker

sout en peper

Aartappels

30 ml (2 e) olie

3 aartappels, in blokkies gesny

3 cm vars gemmer

sout en peper

2,5 ml (½ t) borrie

1 ml (¼ t) brandrissiepoeier

1 ml (¼ t) paprika

125 ml (½ k) water

Voorverhit die oond tot 180 °C.

  1. Vark: Plaas al die bestanddele in ’n roosterpan. Voeg 400 ml water by en bedek met foelie.
  2. Plaas in die oond en laat braai 3 uur of tot die vleis sag is en maklik uitmekaartrek.
  3. Versnipper die vark met twee vurke en sit terug in die sous. Pas die geursel van die sous aan indien nodig.
  4. Aartappels: Verhit die olie in ’n groot pan oor matige hitte. Voeg die aartappels en  gemmer by en soteer tot die aartappels effens verbruin.
  5. Meng die sout en peper, borrie, brandrissie en paprika in en soteer 5 min.
  6. Voeg die water by, bedek en laat dit prut tot sag. Sit voor saam met die versnipperde vark.

Deur Hope Malau

Foto: Misha Jordaan