2 kg lamsboud

15 ml (1 e) komynsaad

15 ml (1 e) koljandersade

15 ml (1 e) fyngedrukte gedroogde brandrissie

15 ml (1 e) gemmer

15 ml (1 e) vars gemaalde swartpeper

15 ml (1 e) seesout

30 ml (2 e) bruinsuiker

30 g gekapte vars pietersielie

150 g STORK SPREAD, saggemaak

125 ml (½ k) vleisaftreksel

Voorverhit die oond tot 200 °C.

Druk die vleis droog en plaas dit op ’n skoon oppervlak.

Maak insnydings met ’n skerppuntmessie oral in die vleis.

Verhit ’n groot swaarboompan en braai die speserye in die droë pan tot geurig.

Verwyder van die hitte en voeg die sout, suiker en pietersielie by.

Klits die STORK SPREAD tot lig en voeg by die speserymengsel.

Klits goed.

Smeer die speserybotter oraloor die vleis en vryf dit goed in.

Plaas die lamsboud in ’n groot baksakkie en voeg die aftreksel by.

Plaas in ’n oondpan en bak sowat 1-1½ uur tot sag en sappig.

Laat rus 10 minute in die sakkie.

Giet die pansouse af in ’n klein kastrolletjie en kook tot ’n geurige sous.

Sit voor saam met die vleis.