Genoeg vir 4 mense

Bereiding: 5 minute

Gaarmaaktyd: 30 minute

125 g meel

1 eier

250 ml (1 k) melk

sout en peper

300 g boerewors

1 Voorverhit die oond tot 200 °C. Smeer 4 ramekins en sit dit in die oond om warm te word.

2 Sif die meel in ’n bak. Klits die eier, melk, sout en peper saam en roer dit by die meel in tot glad.

3 Verhit ’n pan oor hoë hitte, voeg die boerewors by en braai tot egalig bruin. Sny in 8 stukke.

4 Haal die ramekins uit die oond en sit twee stukke boerewors in elkeen. Verdeel die beslag eweredig tussen die ramekins en sit nog 20 minute in die oond.

5 Sit voor met gemengde groente.

- Hope Malau