Lewer 6-8 porsies.

By hierdie een gebruik Martin ’n Marokkaanse speserymengsel, ras el hanout, wat letterlik “hoof van die winkel” beteken. Dit kan uit twintig of selfs meer speserye bestaan.

Marokkaanse winkeliers is bekend vir hul speserymengsels. Ons gee ’n resep hiervoor. Geniet ’n glasie merlot hierby.

knippie saffraandrade

5 ml (1 t) varsgemaalde swartpeper

5 ml (1 t) sout

5 ml (1 t) fyn kaneel

10 ml (2t) ras el hanout (resep onder)

2 kg lamsnek, in stukke gesaag

250 ml (1 k) geblansjeerde amandels

60 ml (¼ k) heuning

60 ml (¼ k) botter

3 uie, fyngekap

80 ml  (? k) warm water

250 ml (1 k) rosyntjies

sap en skil van 1 suurlemoen

Meng die saffraan, peper, sout en kaneel met 10 ml (2 t) ras el hanout en vryf die vleis daarmee in.

Meng die orige ras el hanout met die amandels en heuning en hou eenkant.

Verhit die botter in ’n groot pan of swartpot en braai ’n paar porsies nek per slag tot bruin.

Skep uit en braai die uie in nog botter tot sag.

Voeg die lamsnek by, giet die water by en prut tot die vleis sag is.

Voeg die rosyne, amandelmengsel, suurlemoenskil en -sap by en verhit nog ’n halfuur tot geurig en warm.

Sit voor met rys.

Ras el hanout

Stamp die volgende in ’n vysel fyn:

6 wonderpeperkorrels

4 heel naeltjies

7 ml (1½ t) swartpeperkorrels

6 ml (ruim 1 t) geroosterde koljandersade

5 ml (1 t) komynsaad.

Voeg 1 ml (knippie) rooipeper en 7 ml (1½ t) fyn kaneel asook 5 ml (1 t) fyn gemmer by en meng.