Genoeg vir 4 mense

Bereiding: 15 min.

Gaarmaak: 30-35 min.

AARTAPPELS

350 g baba-aartappels

45 ml (3 e) olyfolie

5 ml (1 e) growwe sout

PREIE

4 preie

5 ml (1 t) suiker

10 ml (2 t) botter

5 ml (1 t) olyfolie

STEAK

2 groot klub-steaks of 4 kleiner steaks

30 ml (2 e) braaispeserye

vars gemaalde peper

15 ml (1 e) olie

30 ml (2 e) botter

Voorverhit die oond tot 180 °C.

  1. Aartappels Versprei die aartappels op ’n bakplaat, meng die olyfolie deur en besprinkel met die sout. Braai 30 min. of tot goudbruin en gaar in die oond.
  2. Preie Verhoog die oondtemperatuur tot 230 °C. Sny die preie in die lengte en maak die blare los van mekaar. Versprei op ’n groot bakplaat. Meng die res van die bestanddele deur. Rooster 3-5 min. tot effens bros.
  3. Steak Sit die roosterelement van die oond aan. Geur die steak met die braaispeserye en vars gemaalde peper, en smeer met die olie.
  4. Verhit ’n pan tot baie warm en seël die steaks aan albei kante. Pak op ’n bakplaat, smeer die botter oor en braai nog 5-8 min. of tot gaar soos verkies in die oond.
  5. Kneus die aartappels liggies en sit saam met die steak en preie voor.