GENOEG VIR 4 MENSE

Bereiding: 20 min.

Gaarmaaktyd: 20 min.

500 g varkworsies, uit die derm uitgedruk

1 ui, fyn gekap

60 g broodkrummels

10 ml (2 t) Dijonmosterd

15 ml (1 e) vrugteblatjang

5 ml (1 t) gedroogde gemengde kruie

pas gemaalde swartpeper

100 g cheddarkaas, in blokkies gesny

olie

  1. Meng al die bestanddele behalwe die kaas en olie goed saam en geur met peper.
  2. Maak frikkadelle met die mengsel. Neem’n blokkie kaas en druk in elke frikkadel. Maak seker dat die kaasblokkie heeltemal met die maalvleis bedek is.
  3. Verhit ’n bietjie olie in ’n pan en braai die frikkadelle tot gaar, of oondbraai 15 minute by 200 °C in die oond tot gaar.
  4. Sit voor op kapokaartappel saam met gekoopte Napolitaanse sous.