Genoeg vir 4-6 mense

Bereiding: 15 minute

Gaarmaaktyd: 30 minute

Baktyd: 30 minute

1 kg aartappels, geskil en in kwarte gesny

sout

45 ml (3 e) melk

30 ml (2 e) botter

15 ml (1 e) olie

1 ui, in klein blokkies gesny

400 g biefmaalvleis

30 ml (2 e) koekmeel

250 ml (1 k) beesvleisaftreksel

30 ml (2 e) tamatiepasta

15 ml (1 e) worcestersous

5 ml (1 t) droë gemengde kruie

2 wortels, in blokkies gesny

250 ml (1 k) water

250 g bevrore ertjies

60 g cheddarkaas, gerasper

1    Voorverhit die oond tot 180 °C.

2    Kook die aartappels in soutwater tot sag. Dreineer en maak saam met die melk en botter fyn. Sit eenkant.

3    Verhit die olie in ’n kastrol en braai die ui liggies tot sag. Voeg die maalvleis by en braai tot goed verbruin terwyl jy met ’n houtlepel roer om enige klonte op te breek.

4    Sodra die maalvleis verbruin het, roer die meel, beesvleisaftreksel, tamatiepasta, worcestersous en gemengde kruie in en kook 2 minute.

5    Voeg die wortels en water by, bedek en laat prut 20 minute. Voeg die bevrore ertjies by en laat prut nog 5 minute.

6    Skep die maalvleis in ’n oondvaste kasserol, bedek met die kapokaartappel en bestrooi met die gerasperde cheddarkaas.

7    Bak 25-30 minute of tot bo-op goudbruin in voorverhitte oond.

- Hope Malau