Lewer 6 porsies.

FRIKKADELLE

250 g beesmaalvleis

250 g varkmaalvleis

7 ml (1½ t) sout

vars gemaalde swartpeper na smaak

125 ml (½ k) natuurlike jogurt

250 ml (1 k) vars broodkrummels

1 appel, geskil, ontkern en gerasper

1 ui, gerasper

1 eier, geklits

SOUS

250 ml (1 k) blatjang

125 ml (½ k) water

30 ml (2 e) sjerrie

30 ml (2 e) rooiwynasyn

3 ml tobasco-sous

Voorverhit die oond tot 160 ºC en smeer ’n middelslag- oondbak met olie.

FRIKKADELLE

Meng al die bestanddele vir die frikkadelle in ’n bak.

Vorm gholfbalgrootte-bolletjies en pak in die bak.

Bak 30-40 minute tot gaar.

SOUS

Verhit al die bestanddele vir die sous tot kookpunt en roer aanhoudend.

Giet oor die frikkadelle en sit vir 5-10 minute terug in die oond.

Sit voor op rys of kapokaartappel.

Volg Huisgenoot op Twitter.