Jy kan ook oorskiet gebraaide wors in stukkies sny en gebruik pleks van die frikkadelle.

Genoeg vir 4 mense

Bereiding: 25 min.

Gaarmaak: 1 uur

FRIKKADELLE

500 g boerewors

SOP

250 ml (1 k) gort

15 ml (1 e) olyfolie

2 uie, gekap

2 stele seldery, gekap

4 wortels, geskil en in blokkies gesny

2 vleisaftrekselblokkies

8 x 250 ml (8 k) water

5 ml (1 t) gedroogde origanum

250 ml (1 k) ertjies

sout en vars gemaalde swartpeper

Voorverhit die oond tot 200 °C.

  1. Frikkadelle Druk die maalvleis uit die derm en maak frikkadelletjies. Pak op ’n bakplaat en braai 15-20 min. of tot goudbruin en gaar in die oond.
  2. Sop Kook die gort volgens die aanwysings op die pakkie. Dreineer en hou eenkant.
  3. Verhit die olyfolie in ’n kastrol en roerbraai die uie 1 min. Voeg die seldery en wortels by en roerbraai ’n paar minute.
  4. Voeg die aftreksel, water en origanum by en bring tot kookpunt. Laat 20 min. stadig prut en voeg die gort en ertjies by. Laat nog 10 min. prut en geur met die sout en peper na smaak.
  5. Voeg die frikkadelle by die sop en skep op. Sit voor saam met brood, parmesaanskaafsels en pietersielie.