Genoeg vir 4 mense

Bereiding: 20 minute

Gaarmaaktyd: 15-20 minute

Staantyd: ’n paar uur

TJOPS

4 dik varktjops

2 snye witbrood, korsies afgesny en gekrummel

15 ml (1 e) room

1 knoffelhuisie, fyn gekap

1 eier

15 ml (1 e) pietersielie

15 ml (1 e) grasuie

sout en vars gemaalde swartpeper

MARINADE

100-150 ml rooi- of witdruiweasyn

60 ml (¼ k) kookolie

1 ui, gekap

1 knoffelhuisie, fyn gekap

3-4 droë jenewerbessies

1-2 lourierblare

swartpeperkorrels

  1. TJOPS Maak ’n insnyding in die vleiskant van die tjops wat groot genoeg vir die vulsel is.
  2. Meng die witbroodkrummels, room, knoffel, eier, pietersielie en grasuie en geur met sout en peper.
  3. Vul die tjops en steek elke holte toe met ’n peuselstokkie. Plaas in ’n plat glasbak.
  4. MARINADE Meng al die bestanddele en giet oor die vleis. Marineer ’n paar uur.
  5. Braai die tjops op baie warm kole tot gaar. Sit voor met gebraaide tamaties indien verkies.