Genoeg vir 4-6 mense

Bereiding: 30 minute

Gaarmaaktyd: sowat 1 uur

VULSEL

25 ml (5 t) ui, fyn gekap

60 g witbroodkrummels

3 repe spekvleis, fyn gesny

15 ml (1 e) pietersielie, fyn gekap

2 ml (½ t ) vars tiemieblare

15 ml (1 e) sout

3 ml (ruim ½ t) vars gemaalde

swartpeper

1 eier, geklits

VLEIS

1 kg ontbeende lamsblad

olie vir braai

250 ml (1 k) bier

15 ml (1 e) koekmeel

60 ml (¼ k) vleisaftreksel

12 ml (2½ t) suiker

60 ml (¼ k) room

  1. VULSEL Meng die ui, broodkrummels, spekvleis, pietersielie en tiemie.
  2. Geur met sout en peper en roer die eier by.
  3. VLEIS Vlek die vleis oop met die vleiskant na bo en smeer die vulsel egalig oor. Rol op en bind elke 50 mm met tou vas.
  4. Braai in ’n groot swartpot op vinnige kole in ’n bietjie olie tot bruin buiteom.
  5. Verhit die bier en giet oor die vleis. Plaas die deksel op en verhit op stadige kole tot net gaar. Skep die vleis uit.
  6. Verdik die sous met koekmeel wat aangemaak is met vleisaftreksel.
  7. Kook ’n minuut of twee, roer die suiker en room by en sit voor saam met die vleis.

Sit aartappels of aartappelslaai saam voor.