Genoeg vir 4 mense

Bereiding: 10 min.

Gaarmaak: 25-30 min.

4 varkneksteaks

sout en vars gemaalde peper

15 ml (1 e) olie

2 sprietuie, gekap

VRYFMENGSEL

125 ml (½ k) bruinsuiker

5 ml (1 t) rooipeper of paprika

5 ml (1 t) fyn gemmer

KOOLSLAAI

350 g koolslaaimengsel

60 ml (¼ k) olyfolie

30 ml (2 e) suurlemoensap

5-10 ml (1-2 t) strooisuiker

Voorverhit die oond tot 200°C.

  1. Geur die steaks met die sout en vars gemaalde peper en hou eenkant.
  2. Vryfmengsel Meng al die bestanddele vir die mengsel en smeer die helfte daarvan oor die steaks. Pak die steaks op ’n bakplaat en rooster 15 min. in die oond. Haal uit en sny in blokkies.
  3. Verhit die olie in ’n braaipan en voeg die varkblokkies en die res van die vryfmengsel daarby. Roerbraai 5 min. tot die suiker begin klewerig word.
  4. Sprinkel die sprietuie oor en hou eenkant.
  5. Koolslaai Meng al die bestanddele goed en sit saam met die varkblokkies voor.