Genoeg vir 4-6 mense

bereiding: 20 min.

gaarmaaktyd: 15-20 min.

500 g dik boerewors

250 g streepspek

250 g ontpitte

pruimedante

pas gemaalde swartpeper

As jy houtsosatiestokkies gebruik, onthou om dit eers in water te week om te voorkom dat dit brand.

  1. Sny die wors in 15-20 cm-stukke.
  2. Steek ’n sosatiestok deur een punt van ’n stuk wors.
  3. Draai spek om twee pruimedante en ryg langs die stuk wors op die sosatiestok.
  4. Steek die sosatiestok deur die ander punt van die wors sodat dit ’n halfmaan om die pruimedante vorm.
  5. Herhaal met al die stukke wors.
  6. Geur met die peper en braai op warm kole. Draai gereeld tot dit gaar is.