Genoeg vir 4 mense

Bereiding: 10 minute

Gaarmaaktyd: 1 uur 10 minute

500 g beesvleis-ghoelasj-blokkies

30 ml (2 e) meel

60 ml (1Ž4 k) botter

kookwater

50 g droë sampioene

150 g spekvleis, gekap

2 uie, gekap

3 wortels, gekap

4 knoffelhuisies, gekap

30 ml (2 e) tamatiepasta

375 ml (11Ž2 k) beesvleisaftreksel

1 bouquet garni (naeltjies, tiemie, pietersielie en roosmaryn wat in ’n stukkie moeselien toegedraai is)

1 Bestrooi die vleis met die meel en skud dan die oortollige meel af.

2 Bedek die sampioene met kookwater en sit eenkant.

3 Verhit die helfte van die botter in ’n kastrol oor matige hitte en verbruin die beesvleisblokkies klompie vir klompie. Sit al die vleis in die kastrol terug, voeg die spekvleis by en soteer tot die spekvleis gaar is.

4 Voeg die ui en wortel by. Roer enige stukkies los wat aan die bodem van die pan kleef. Voeg die knoffel, tamatiepasta en sampioene saam met hul weekvloeistof by. Kook 5 minute terwyl jy gereeld roer.

5 Voeg die aftreksel en bouquet garni by. Bedek en laat prut ’n uur of tot die vleis sag is.

6 Sit voor met aartappels of korserige brood.

- Hope Malau