Genoeg vir 4 mense

Bereiding: 10 minute

Gaarmaak: 45 minute

45 ml (3 e) olie

4 murgpampoentjies, in skywe gesny

1 eiervrug, in blokkies gesny

1 ui, gekap

250 g sampioene, in skywe gesny

2 knoffelhuisies, fyngedruk

1 bakkie (250 g) maaskaas

’n hand vol vars pietersielie, gekap

1 fles (400 g) gekoopte tamatiepastasous

8 lasagnevelle, ongekook

80 ml (? k) mozzarellakaas

  1. Voorverhit die oond tot 180 °C. Smeer ’n 25 cm-vierkantige roosterpan.
  2. Verhit die olie in ’n braaipan oor matige hitte en soteer die murgpampoentjies, eiervrug, ui, sampioene en knoffel 10 minute of tot sag. Sit eenkant.
  3. Meng die maaskaas en pietersielie en sit eenkant.
  4. Smeer 125 ml (½ k) van die pastasous op die bodem van die roosterpan en bedek met ’n dubbele laag pastavelle. Bedek met ’n laag sous, maaskaasmengsel en groente. Herhaal die lae nog twee keer.
  5. Eindig met ’n dubbele laag pastavelle en die laaste van die sous. Bestrooi met mozzarellakaas, bedek met foelie en bak 20 minute. Verwyder die foelie en bak nog ’n kwartier. Laat staan 10 minute en sny dan in porsies.