Genoeg vir 4 mense

Bereiding: 10 min.

Gaarmaak: 30 min.

8 hoenderboudjies

olyfolie

8 knoffelhuisies, ongeskil

skil van 1 suurlemoen

180 ml (¾ k) hoenderaftreksel

160 ml (2/3 k) groen olywe

350 g kersietamaties

’n klein hand vol pietersielie, gekap

4 tiemietakkies

gestoomde groenbone vir voorsit

Voorverhit die oond tot 200 °C.

  1. Verhit ’n groot, oondvaste swaarboomkastrol oor hoë hitte. Bedruip die hoender met olie en braai tot goudkleurig alkante.
  2. Voeg die knoffel, suurlemoenskil en hoenderaftreksel by, bedek en sit in die oond. Bak 10 minute, haal die deksel af, voeg die olywe en tamaties by en braai nog 15 minute of tot die hoender gaar is.
  3. Strooi pietersielie en tiemie oor, en sit voor saam met gestoomde groenbone.

Deur Hope Malau

Foto: Jacques Stander