Genoeg vir 4 mense

Bereiding: 15 minute

Gaarmaaktyd: sowat 30-40 minute

500 g botterskorsie, geskil en in blokkies gesny

sout en vars gemaalde swartpeper

1 stuk heel kaneel

60 ml (¼ k) olyfolie

250 g droë lensies, gekook (of ’n blik lensies)

1 ui, grof gekap

1 knoffelhuisie, fyn gekap

2 selderystingels, in skywe gesny

sap en skil van een klein suurlemoen

60 ml (¼ k) Italiaanse pietersielie, fyn gekap

15 ml (1 e) kruisementblare, fyn gekap

100 g fetakaas, in blokkies gesny

Groen blare om mee voor te sit

Voorverhit die oond tot 200 °c en smeer ’n groot oondbak met olie of spuit met kossproei.

  1. Plaas die botterskorsie in die bak; geur met sout en peper en heel kaneel.
  2. Bedruip met die helfte van die olyfolie.
  3. Bak 20 minute of tot gaar en goudbruin.
  4. Hou eenkant. dreineer die lensies, spoel dit af en hou dit eenkant.
  5. Verhit die res van die olyfolie en braai die ui, knoffel en seldery in ’n pan.
  6. Geur met die suurlemoensap en -skil en roer die uiemengsel by die gaar lensies in, gevolg deur die pietersielie en kruisementblare.
  7. Roer die gaar botterskorsieblokkies versigtig by en skep die slaai op ’n opdienbord.
  8. Sprinkel die fetakaas oor en sit met ’n blareslaai voor.

Volg Huisgenoot op Twitter.