Genoeg vir 6-8 mense

Bereiding: 30 minute

Gaarmaaktyd: 20-30 minute

500 g fusilli-pasta

20 g botter

2 uie, fyn gekap

3 knoffelhuisies, fyn gekap

4 tamaties, in skywe gesny

sout en peper na smaak

2 groen of rooi soetrissies, in blokkies gesny

500 g sampioenskyfies

500 g spekvleis, in blokkies gesny

250 ml (1 k) mayonnaise gemeng met 250 ml (1 k) natuurlike jogurt

  1. Kook die pasta, dreineer en spoel af onder koue water.
  2. Verhit die botter en braai die uie en helfte van die knoffel sag.
  3. Voeg die tamaties by en laat prut tot gaar. Geur met sout en peper. Plaas in ’n slaaibak.
  4. Braai die soetrissies in ’n bietjie botter tot dit begin verbruin en voeg by die tamatiemengsel.
  5. Braai die sampioene en die res van die knoffel tot gaar. Voeg by die bak slaai.
  6. Braai die spek tot gaar en skep in die slaaibak. Meng die pasta by en laat afkoel.
  7. Meng die mayonnaise en jogurt en roer by.