Genoeg vir 6 mense

Bereiding: 10 minute

As jy droë keker-ertjies gebruik – gaarmaaktyd: 45 minute; weektyd: 8 uur of oornag

250 ml (1 k) droë keker-ertjies of 2 blikke (410 g elk) keker-ertjies

60 ml (¼ k) rooiwynasyn

30 ml (2 e) vars suurlemoensap

500 ml (2 k) kersietamaties, in skywe gesny

1 rooi ui, gekap

125 ml (½ k) olywe, in skywe gesny

125 ml (½ k) vars basilie, geskeur

’n hand vol vars pietersielie, gekap

45 ml (3 e) olyfolie

sout en vars gemaalde swartpeper

1 As jy droë keker-ertjies gebruik, week hulle 8 uur of oornag in koue water. Dreineer die water, sit die keker-ertjies in ’n pot, bedek met water en laat prut ’n driekwartier of tot sag.

2 Plaas die keker-ertjies in ’n bak en meng met 15 ml (1 e) van die asyn en 10 ml (2 t) van die suurlemoensap.

3 Gooi die keker-ertjies in ’n opdienbak en voeg die tamaties, ui en olywe by. Voeg die kruie by en meng.

4 Giet die oorblywende asyn en suurlemoensap in ’n bak en klits die olie vinnig in tot geëmulsifiseer. Giet dit oor die laai. Geur met sout en peper.

- Hope Malau