Genoeg vir 4-6 mense

Bereiding: 15 minute

Gaarmaaktyd: 10 minute

SOUS

500 ml (2 k) rooiwyn (cabernet

sauvignon)

125-180 ml (½-¾ k) bruinsuiker

knippie sout

heelwat gemengde vars kruie, gekap

vars gemaalde swartpeper na smaak

SLAAI

1 pak (60 g) elk roket- en/of bronkors-slaaiblare

500 ml (2 k) pitlose rooi druiwe, gehalveer

100 g bloukaas, andersins feta, brie of camembert

125 ml (½ k) geroosterde pistasieneute

½ rooiui, in ringe gesny

’n hand vol nat beesbiltong of gerookte beesvleis, in dun skywe gesny (opsioneel)

SOUS

Meng al die sousbestanddele in ’n kastrol en kook oor matige hitte tot taaierig en stroperig. (Jy kan ekstra wyn of suiker byvoeg, na gelang van hoe taai of soet jy dit verkies.).

Verwyder van die hitte en laat afkoel.

SLAAI

Pak die blare in ’n plat slaaibak. Meng die druiwe met die sous en giet driekwart daarvan oor die slaaiblare.

Breek die bloukaas in stukkies en rangskik bo-op.

Garneer met pistasieneute en uie. Stapel biltong boop indien verkies.

Bedruip net voor opdiening met die orige sous.

Volg Huisgenoot op Twitter.