Genoeg vir 4-6 mense

Gaarmaak: 30 min.

Bereiding: 10 min.

40 g botter

10 ml (2 t) geroosterde masala

500 ml (2 k) basmatirys

1 lourierblaar

skil van 1 suurlemoen

2 groen brandrissies, gekap

5 cm gemmerwortel, fyn gerasper

sout en peper

375 ml (1½ k) hoenderaftreksel

400 g gerookte skelvisfilette

2 eiers, hard gekook

2 sprietuie, fyn gekap

’n hand vol vars koljander, gekap

suurlemoensap vir voorsit

Voorverhit die oond tot 180 °C.

  1. Smelt die botter in ’n groot oondvaste pan oor matige hitte. Voeg die masala by en laat prut ’n paar sekondes liggies. Voeg die rys by en roer tot goed bedek met die speserybotter.
  2. Voeg die lourierblaar, suurlemoenskil, brandrissies en gemmer by en geur met sout en peper. Giet die aftreksel in, bring tot by prutpunt en rangskik die vis bo-op, terwyl jy dit sagkens in die aftreksel onderdompel. Bedek met ’n deksel en bak 15 minute in die oond.
  3. Verwyder uit die oond en laat staan 5 minute sonder dat jy die deksel afhaal. Dit laat die rys klaar kook.
  4. Haal die deksel af, verwyder die vel van die vis en voeg dadelik die gekapte eiers, sprietuie en koljander by. Meng die rys liggies met twee vurke terwyl jy die vis vlok en alles anders inmeng.
  5. Sit direk uit die pan voor op warm borde en drup ’n bietjie suurlemoensap oor.