Bereiding: 10 minute

Gaarmaaktyd: 25 minute

Genoeg vir 4 mense

Vis

sout en swartpeper

2 (½ t) borrie

2 (½ t) rissiepoeier

15 ml (1 e) vars pietersielie, gekap

2 takkies tiemie, gekap

2 stokvisfilette, in blokkies gesny

Sous

15 ml (1 e) olie

1 ui, gekap

2 knoffelhuisies, fyngemaak

1 groen soetrissie, gekap

10 ml (2 t) Cajun-speserye

2 x 400 g (2 blikke) gekapte tamaties

1 lourierblaar

Meng die sout en peper, borrie, rissiepoeier, vars pietersielie en tiemie in ’n middelslagbak.

Smeer dit aan die vis en sit in die yskas.

SOUS

Gooi die olie in ’n kastrol oor mediumhitte en braai die uie, knoffel en soetrissie tot die ui deurskynend is.

Roer die speserye, tamaties en lourierblaar in en laat prut 10 minute.

Sit die pot eenkant en sit dan die vis in die warm sous.

Bedek en laat stoom 10 minute of tot gaar.

Sit voor.

Volg Huisgenoot op Twitter.