Genoeg vir 4 mense

Bereiding: 15 min.

Gaarmaak: 10-15 min.

4 visporsies

sout en vars gemaalde peper

5 ml (1 t) paprika

5 ml (1 t) rooipeper

10 ml (2 t) fyn komyn

10 ml (2 t) knoffelpoeier

30 ml (2 e) olyfolie

SLAAI

350 g koolslaaimengsel

2 pere, in stokkies gesny

45 ml (3 e) geroosterde sonneblomsade

SLAAISOUS

60 ml (¼ k) mayonnaise

60 ml (¼ k) gewone jogurt

2 ml (½ t) fyn komyn

Voorverhit die oond tot 230 °C.

  1. Geur die visporsies met die sout en peper. Meng die paprika, rooipeper, komyn en knoffel en sprinkel aan albei kante van die vis. Smeer met die olyfolie en pak op ’n bakplaat. Rooster 10-15 min. of tot gaar.
  2. Slaai Meng die koolslaaimengsel en pere liggies.
  3. Slaaisous Klits die mayonnaise, jogurt en komyn goed saam, geur met die sout en meng deur die koolslaaimengsel. Sprinkel die sonneblomsade oor en sit voor saam met die vis.