Genoeg vir 6 mense

Bereiding: 20 minute

Baktyd: 40 minute

WITSOUS

30 ml (2 e) botter

90 ml (6 e) koekmeel

knippie mosterdpoeier

1 L (4 k) melk

SPINASIEMENGSEL

15 ml (1 e) botter

15 ml (1 e) olyfolie

2 uie, geskil en gekap

5 ml (1 t) vars tiemie

300 g babaspinasie

200 g fetakaas, gekrummel

1 kg wasagtige, melerige aartappels,

geskil en in baie

dun skywe gesny

AFRONDING

250 ml (1 k) cheddarkaas, gerasper

Voorverhit die oond tot 180 °C.

Smeer ’n oondskottel met botter of bespuit met kossproei.

  1. WITSOUS Berei ’n witsous van die botter, meel, mosterd en melk.
  2. SPINASIEMENGSEL Verhit die botter en olie. Braai die uie tot glasig. Sprinkel die tiemie oor.
  3. Voeg die spinasie by en verhit die mengsel tot die spinasie verwelk. Krummel die fetakaas by en meng.
  4. Pak ’n dubbellaag van die aartappels onderin die voorbereide pan. Sprinkel die helfte van die spinasie-en-fetakaasmengsel oor. Bedek met ’n laag witsous.
  5. Herhaal die lae en eindig met ’n laag witsous.
  6. AFRONDING Sprinkel die kaas oor. Bak minstens 40 minute tot die kaas net gesmelt het en goudbruin en die aartappels sag is. Sit die spinasielasagne voor met ’n groenslaai.