Genoeg vir 6 of meer mense

Bereiding: 15 minute

Gaarmaaktyd: sowat 1 uur

85 g botter

125 ml (½ k) meel

375 ml (1½ k) melk

knippie neutmuskaat

sout en peper

15 ml (1 e) olie

1 ui, gekap

700 g spinasieblare

250 g ricottakaas

300 g stokvis, gaar en gevlok

125 ml (½ k) fyn gerasperde parmesaankaas

300 g droë lasagne-velle

1 Maak ’n witsous: Smelt die botter en meel saam in ’n pan, kook 2 minute en klits dan die melk bietjie vir bietjie by tot die sous glad is. Geur met die neutmuskaat, sout en peper. Lê kleefplastiek direk op die oppervlak van die sous neer tot jy dit gebruik.

2 Verhit die olie in ’n braaipan en braai die ui tot sag.

3 Giet warm water oor die spinasie tot dit verlep en druk dan die vloeistof uit. Kap en voeg saam met die ricottakaas en die vis by die ui. Voeg ’n bietjie witsous en die helfte van die parmesaankaas by die spinasie-en-vismengsel.

4 Voorverhit die oond tot 180 °C.

5 Sprei ’n bietjie sous op die bodem van ’n oondvaste bak uit en bedek met ’n laag spinasie-en-vismengsel. Voeg ’n laag fyngedrukte lasagne-velle by. Herhaal dan die lae en eindig met die sous. Strooi die oorblywende parmesaankaas bo-oor.

6 Bak 50 minute of tot deurgaar en goudbruin bo-op.

- Hope Malau