BASIS

500 ml (2 k) bruismeel

’n knippie sout

100 g STORK BAKE, in klein blokkies gesny

180-200 ml (ruim ¾ k) melk

BOLAAG

375 ml (1½ k) dik tamatie-smoor

250 g gaar spek, hoender of gerookte ham, gekap

125 g sampioene, gesny

1 groen soetrissie, in dun skyfies gesny

125 ml (½ k) calamata-olywe, ontpit en gehalveer

125 ml (½ k) fetakaas, gekrummel

500 ml (2 k) mozzarellakaas, gerasper

sout en vars gemaalde swartpeper

10 ml (2 t) gekapte vars origanum

Voorverhit die oond tot 200 °C en smeer ’n bakplaat.

BASIS

Meng die meel en sout in ’n groot bak. Voeg STORK BAKE by en meng dit met jou vingerpunte in tot dit soos broodkrummels lyk. Voeg die melk bietjie vir bietjie by en meng tot ’n sagte deeg vorm. Druk die deeg plat op ’n meelbestrooide oppervlak. Plaas die deeg in die bakplaat en druk tot in die hoeke sodat die bodem eweredig bedek is.

BOLAAG

Smeer die tamatie-smoor eweredig oor die basis en tot in die hoeke. Strooi die res van die bestanddele oor en eindig met die kase, sout, peper en origanum. Bak 20-25 minute tot die bolaag borrel en die deeg gaar is. Sit warm voor.

Genoeg vir 8 mense

WAAR en WANNEER kan ek die Stork-resepte kry?

Een keer per maand word ‘n dubbelblad resep-artikel in Huisgenoot en YOU gepubliseer. Hierdie resepte kan uitgeknip en in jou Stork Joernaal geplak word. Sowat twee weke later sal dieselfde resepte ook op huisgenoot.com beskikbaar wees (gaan na KOS en dan Stork).

Die resepte word gepubliseer van Februarie 2010 tot Janaurie 2011.

HOE gemaak as ek van die resepte misgeloop het?

Gaan na huisgenoot.com en klik op KOS en dan Stork-resepte – jy kan die resepte daar kry. Die resepte word gepubliseer van Februarie 2010 tot Janaurie 2011.

Jy kan ook ‘n vorige uitgawe van HUISGENOOT bestel (teen gewone prys) by Huisgenoot Intekenare by telNA. 0860 103 687

WAAROM pas die internet-resepte nie in die ruimte daarvoor gelaat in my Stork-joernaal nie?

Jou Stork-joernaal is ontwerp met die resepte, soos gepubliseer in Huisgenoot, ingedagte. Ongelukkig kan ons net die kopie op die webblad verskaf. Af jy wil hê dit moet lyk soos in die Joernaal moet jy seker maak dat jy nie jou uitgawe van Huisgenoot misloop nie! Jy kan ook ‘n vorige uitgawe van HUISGENOOT bestel (teen gewone prys) by Huisgenoot Intekenare by tel. 0860 103 687

HOE gemaak as ek nog 'n joernaal wil kry

Nie jou kopie van die joernaal gekry nie? SMS die woord JOERNAAL en jou naam en adres na 39354. Elke SMS kos R15 en sluit die joernaal en posgeld in.