Lewer 4 porsies.

1 pak (500 g) penne-pasta

30 ml (2 e) olyfolie

1 groot rooi-ui, in dun wiggies gesny

1 pakkie (100 g) salami, gesnipper

30 ml (2 e) vars roosmarynblaartjies

1 blik (410 g) tamatiepuree

125 ml (½ k) water

1 pakkie (240 g) songedroogde tamaties in vinaigrette, gekap

sout, vars gemaalde swartpeper en suiker na smaak

50 g (½ wiggie) bloukaas of 1 wiel fetakaas, gekrummel

80 ml (? k) okkerneute, grof gekap

Kook die pasta in vinnig kokende soutwater tot gaar maar steeds ferm.

Terwyl die pasta kook, verhit die olie in ’n pan en braai die ui tot sag.

Voeg die salami en roosmaryn by en braai 1 minuut.

Voeg die tamatiepuree, water en gekapte songedroogde tamaties by en verhit tot kookpunt.

Laat prut 2-3 minute, tot deurwarm.

Geur na smaak met sout, peper en ’n knippie suiker.

Dreineer die pasta en gooi by die sous.

Meng deur en sprinkel die gekrummelde kaas en gekapte okkerneute oor.

Sit dadelik voor.

Foto: Misha Miles

Volg Huisgenoot op Twitter.