DEM 1:

  • Groente-rooibos-tempoera
  • Tandoori-hoender met groen rys

GROENTE-ROOIBOS-TEMPOERA

GROENTE-TEMPOERA

250 ml (1 k) bruismeel

45 ml (3 e) sesamsade

sout en peper na smaak

60 ml (¼ k) sodawater óf sider

60 ml (¼ k) sterk groen rooibostee (2 sakkies), goed afgekoel

olie

500 g verskeidenheid groente soos aspersies, baba-mielies, babawortels en broccoli

DOOPSOUS

1 rooibrandrissie, gekap

45 ml (3 e) koljanderblare, gekap

¼ komkommer, in klein blokkies gesny

45 ml (3 e) sojasous

60 ml ( ¼ k) sterk groen rooibostee, goed afgekoel

5-10 ml (1-2 t) sesamolie

1 Meng die meel en sesamsade en geur met sout en peper.

2 Meng die sodawater en tee saam en klits by die meelmengsel (dit moet lyk soos dik room).

3 Verhit genoeg olie in ’n groterige kastrol.

4 Doop die groente een-een in die beslag, laat die oortollige beslag goed afdrup en diepbraai in die olie tot goudbruin en gaar. Dreineer op kombuispapier.

5 DOOPSOUS Meng al die bestanddele vir die doopsous en sit voor saam met die tempoera.

TANDOORI-HOENDER MET GROEN RYS

MARINADE

250 ml (1 k) Griekse jogurt

2 cm-stuk gemmer, gerasper

2 knoffelhuisies, fyngedruk

10 ml (2 t) paprika

2 ml (½ t) borrie

2 ml (½ t) garam masala

2 ml (½ t) fyn komyn

2 ml (½ t) brandrissiepoeier

HOENDER

6 hoenderborsfilette, in repe gesny

30 ml (2 e) olie

GROEN RYS

500 ml (2 k) gaar basmati-rys

1 rooi-ui, gekap

’n goeie hand vol vars koljander, basiel en ment, gekap

gerasperde skil van 1 suurlemoen

sout en peper na smaak

1 MARINADE Meng al die bestanddele vir die marinade. Giet oor die hoender en marineer minstens ’n halfuur.

2 Verhit die olie, haal die hoender uit die marinade en roerbraai in sarsies tot net geseël buite-om. Giet die orige marinade by die hoender en roerbraai tot die hoender gaar is en die sous effe verdik.

3. Meng al die bestanddele vir die rys, geur met sout en peper en sit voor saam met die hoender.

DEM 2

  • Bros broccoli-slaai
  • Oosterse varkribbetjie met appelsous

BROS BROCCOLI-SLAAI

SLAAI

1 kg broccoli en/of blomkoolkoppe, in skywe gesny, goed afgespoel

’n paar rooi tamaties

1 rooi-ui, in skywe gesny of 6 stingeluie, in lang repe gesny

’n hand vol sultanas

SLAAISOUS

125 ml (½ k) Carmien Lemongrass & Ginger-rooibos (2 sakkies), afgekoel

125 ml (½ k) rysasyn

60 ml (¼ k) kanola-olie

15 ml (1 e) sojasous

5 ml (1 t) sesamolie

60-80 ml ( ¼- ? k) bruinsuiker

SPRINKEL

10 ml (2 t) olie

250 ml (1 k) gaar Spekko-jasmynrys

50 g gevlokte amandels, gerooster

45 ml (3 e) sonneblomsaad, gerooster

1 SLAAI Plaas al die bestanddele in ’n slaaibak.

2 SLAAISOUS Klits al die slaaisousbestanddele saam en giet oor die slaai. Laat staan minstens ‘n dag lank sodat die geure kan intrek.

3 SPRINKEL Verhit die olie in ’n pan en braai die rys tot goudbruin en bros. Meng met die amandels en sonneblomsaad en sprinkel net voor opdiening oor die slaai.

OOSTERSE VARKRIBBETJIES MET APPELSOUS

800 g varkribbetjies

1 L (4 k) Carmien-rooibostee, chai (4 sakkies), afgekoel

250 ml (1 k) appelsap

SMEERSOUS

60 ml (¼ k) soet brandrissiesous

15 ml (1 e) soet sojasous

10 ml (2 t) gerasperde vars gemmer

APPELSOUS

1 blik (385 g) tertappels

125 ml (½ k) Carmien-rooibostee (2 sakkies) (chai)

10 ml (2 t) heuning

SALSA-RYS

500 ml (1 k) gaar Spekko-rys

1 avokado, in blokkies gesny

4 stingeluie, gekap

½ komkommer, in blokkies gesny

15 ml (1 e) suurlemoensap en -skil

Sout na smaak

1 RIBBETJIES Plaas die ribbetjies, tee en appelsap in ’n groot kastrol. Kook tot die ribbetjies amper sag is; sowat 20 minute. Haal uit die vloeistof en laat effens afkoel.

2 Meng al die bestanddele vir die smeersous en verf oor die ribbetjies. Skakel die roosterelement van die oond aan en oondrooster tot goudbruin.

3 APPELSOUS Verhit die bestanddele vir die sous in ’n kastrolletjie, bring tot kookpunt en laat prut ’n paar minute. Maak die sous fyn met ’n staafmenger, geur met sout en peper en laat afkoel.

4 SALSA-RYS Meng al die bestanddele en sit die ribbetjies voor saam met die rys en appelsous.

DEM 3

  • Broccoli-sop met bloukaas-rysballetjies
  • Gestoomde bobotie-rysbakkies

BROCCOLI-SOP MET BLOUKAAS-RYSBALLETJIES

SOP

30 ml (2 e) botter

1 kg broccoli

30 ml (2 e) koekmeel

1 L (4 k) groen, heuningbos of Carmien-boegoe-rooibostee (4 sakkies)

125 ml (½ k) volroommelk

sout en peper

sap van 1 suurlemoen

RYSBALLETJIES

500 ml (2 k) Spekko-jasmynrys

100 g romerige bloukaas, gekrummel

1 eier, geklits

sout en vars gemaalde peper

250 ml (1 k) koekmeel

olie vir diepvetbraai

1. SOP Verhit die botter. Roerbraai die broccoli effens daarin tot geurig. Sprinkel die meel oor en roer deur.

2 Giet die tee oor en bring tot kookpunt. Kook tot die broccoli sag is; roer af en toe.

3 Pols fyn in die kastrol met ’n staafmenger. Giet deur ’n sif, as jy ’n baie gladde sop verlang.

4. Giet terug in die pot en voeg die melk by. Geur met sout, peper en suurlemoensap. Laat prut tot geurig en dik.

5. RYSBALLETJIES Meng al die bestanddele, vorm okkerneutgrootte-balletjies en rol in die meel. Verhit genoeg olie vir diepvetbraai. Braai die balletjies in sarsies tot goudbruin en sit voor saam met die sop.

GESTOOMDE BOBOTIE-EN-RYSBAKKIES IN DRUIWEBLARE

30 groot druiweblare, in kookwater geweek

500 ml (2 k) gaar Spekko-basmatirys

BOBOTIEMENGSEL

30 ml (2 e) olie

3 uie, gekap

15 ml (1 e) knoffel-en-gemmerpasta

25 ml (5 t) matige kerriepoeier

5 ml (1 t) fyn borrie

1 kg maer bees of varkmaalvleis

30 ml (2 e) fyn appelkooskonfyt

80 ml (4 e) blatjang

2 snye witbrood, geweek in water en fyngedruk

250 ml (1 k) pitlose rosyne of sultanas (opsioneel)

BOLAAGMENGSEL

250 ml (1 k) klappermelk

250 ml (1 k) Carmien-rooibostee (chai)

4 eiers, geklits

sout en vars gemaalde swartpeper

TZATZIKI

4 Granny Smith-appels, ontstronk en in blokkies gesny

125 ml (½ k) natuurlike jogurt

10 ml (2 t) suurlemoensap

20 ml (4 t) gekapte vars kruisement of koljanderblare

1 knoffelhuisie, gekneus

vars gemaalde swartpeper na smaak

45 ml (3 e) geroosterde pampoenpitte

20 ml (4 t) Carmien rooibos-stroop

Voorverhit die oond tot 180 °C. Spuit 10-12 ramekin-bakkies met kossproei en voer elkeen uit met druiweblare.

1 BOBOTIEMENGSEL Verhit ’n groot swaarboompan of -kastrol en soteer die uie, knoffel-en-gemmerpasta tot sag en deurskynend. Roer kerrie en borrie deur. Voeg maalvleis bietjies-bietjies by en braai tot net voor dit begin verbruin. Geur mildelik met sout en peper en voeg die konfyt en blatjang by, asook die brood en rosyne by. Laat opkook, verlaag die hitte en laat 30 minute stadig prut tot geurig.

2 Voer elke ramekinbakkie met 2-3 druiweblare uit.

3 Skep ’n laag rys onderin elke ramekinbakkie en vul verder met bobotiemengsel.

4 BOLAAGMENGSEL Klits die melk, tee en eiers, maak gaatjies in die bobotiemengsel en giet oor.

5 Plaas die bakkies in ’n stomer oor ’n wok met kookwater en stoom sowat 20-30 minute of tot die bolaagmengsel gestol het. Sit warm voor met die sambal.

TZATZIKI Meng die appels, jogurt, suurlemoensap, kruisement, knoffel en peper goed. Skep uit in bakkies en sprinkel die pampoenpitte en rooibosstroop oor. Sit voor saam met die bobotie.

DEM 4

  • Chinese rolletjies
  • Mosterdvarkbredie

CHINESE ROLLETJIES MET GEROOKTE SNOEK

VULSEL

1 gerookte snoek, goed gevlok en grate verwyder

250 ml (1 k) roomkaas

125 ml (½ k) ertjies

250 ml (1 k) gaar Spekko-rys (halfgaar)

’n hand vol gekapte koljanderblare

sout en peper

FILO

1 rol fillodeeg

45 ml (3 e) botter, gesmelt

SOETBRANDRISSIE-DOOPSOUS

250 ml (1 k) chai-Carmien-rooibostee (2 sakkies)

30 ml (2 e) sojasous

15-20 ml (3-4 t) suiker

10 ml (2 e) mielieblom, opgelos in ’n bietjie water

1-2 brandrissie, fyn gekap

1. VULSEL Meng al die bestanddele en geur met sout en peper.

2. FILO Verf ’n vel fillodeeg met gesmelte botter en plak nog een bo-op.

3. Sny die filo in drie stroke en plaas van die mengsel op elke strook.

4. Rol die deeg een keer om, vou die kante in en rol verder op. Herhaal met die res.

5. Verhit olie vir diepvetbraai en braai die rolletjies in sarsies tot goudbruin. Dreineer op kombuispapier.

6. DOOPSOUS Meng al die bestanddele in ’n kastrolletjie en verhit tot kookpunt. Laat prut tot die sous verdik. Laat afkoel. Sit voor saam met die rolletjies.

MOSTERDVARKBREDIE

1 kg ontbeende varknek, in blokkies gesny

sout en peper

125 ml (½ k) mielieblom

30 ml (2 e) olyfolie

6 klein uitjies, geskil

2 knoffelhuisies, gekap

250 ml (1 k) groen of Carmien-vanielje-rooibostee (2 sakkies)

30 ml (2 e) heuning

5 ml (1 t) Dijonmosterd

15 ml (1 e) heelkorrelmosterd

250 g groenboontjies

Gaar Spekko-halfgaar- of jasmynrys vir voorsit

1 Geur die vark met sout en peper en rol in die mielieblom.

2 Verhit die olie en braai die vark in sarsies tot bruin. Skep uit en hou eenkant.

3 Braai die uie en knoffel in dieselfde pan tot geurig. Plaas die vark terug in die kastrol en voeg die tee, heuning en mosterds by. Meng deur en laat prut 20 minute of tot gaar.

4. Voeg die bone by en laat prut 5 minute tot warm.

5. Sit voor saam met basmatirys.


DEM 5

  • Vrugte-bokmelkkaasslaai met bessiesous en pralien
  • Spoggerige varknekrolletjies

VRUGTE-BOKKAASSLAAI MET BESSIESOUS EN PRALIEN

SLAAISOUS

125 ml (½ k) gemengde bevrore bessies

75 ml (5 e) Carmien Black Currant-rooibostee

25 ml (5 t) witwynasyn

knippie suiker

sout en peper na smaak

PRALIEN

125 ml (½ k) suiker

50 g okkerneute

SLAAI

4 pruime, perskes of nektariens, ontkern en in kwarte gesny

1 pak (180 g) gemengde slaaiblare

1 rol bokmelkkaas, in skywe gesny

paar skywe swartwoud- of parmaham

50 g gevlokte amandels, gerooster

1. SLAAISOUS Meng al die bestanddele saam en maak fyn met ‘n staafmenger. Geur met sout en peper na smaak.

2. PRALIEN Verhit die suiker oor medium hitte tot dit begin karamelliseer (skud die pan gereeld, maar moenie roer nie). Voeg die neute by en giet op ’n  bakplaat wat goed gespuit is met kossproei. Laat heeltemal afkoel en kap rofweg op.

3. SLAAI Meng al die bestanddele vir die slaai liggies en giet die slaaisous oor.

4 Besprinkel met pralien.

CHINESE VARKNEKROLLETJIES MET RYSVULSEL

MARINADE

20 ml (4 t) Chinese vyfspeserymengsel

8 knoffelhuisies, fyngedruk

30 ml (2 e) fyngerasperde gemmer

60 ml (¼ k) heuning

30 ml (2 e) strooisuiker

30 ml (2 e) ryswyn of gewone witwyn

125 ml (½ k) sojasous

125 ml (½ k) Carmien Lemongrass & Ginger-rooibostee (2 sakkies), afgekoel

ROLLETJIES

6 varkneksteaks, effens platter gekap

sout

VULSEL

60 ml (4 e) swart/wit sesamsade

sesamolie

250 ml (1 k) Spekko-jasmynrys

1 blik (400 g) klappermelk

250 ml (1 k) warm water

2 ml (¼ t) vyfspeserye

sout

’n hand vol gekapte koljanderblare

1 MARINADE Meng al die bestanddele saam.

2 VLEIS Halveer die vleis in die lengte, moenie regdeur sny nie. Vou oop en sny ’n paar kepe in die vleis sodat dit sover moontlik oraloor ewe dik is.

3 Giet die marinade oor die vleis. Laat staan oornag.

4 RYS Braai die sesamsade in bietjie verhitte sesamolie tot dit begin skiet. Voeg die rys, klappermelk en warm water by, geur met vyfspesrye en sout. Bring tot kookpunt, verlaag hitte en kook tot die rys sag en gaar is. Dreineer indien nodig en plaas deksel op. Laat staan 10 minute. Voeg die koljander by.

5 Druk vleis platter met handpalm, geur met sout en skep die rysvulsel op.

6 Rol op en bind vas met tou.

7 Braai in verhitte olie in ’n pan tot die rolletjies bruin is en smeer van die sous oor terwyl jy braai. Bedek en stoombraai tot gaar. Skep die vleis uit.

8 Voeg nog rooibostee by die panskraapsels en kook af tot ’n geurige sous. Sit voor saam met die vleisrolletjies.

DEM 6

  • Gerookte hoender-en-bruinrysslaai
  • Geurige gemmervark

GEROOKTE HOENDER-EN-BRUINRYSSLAAI

HOENDER

2-4 hoenderborsies

250 ml (1 k) rooibosteeblare

SLAAI

1 pak roketblare

375 ml (1 ½ k) gaar bruinrys

1 blik lensies

2 wiele fetakaas, grof gekrummel

100 g gedroogde bosbessies

100 g okkerneute, gerooster en grof gekap

SLAAISOUS

60 ml (¼ k) Griekse jogurt

30 ml (2 e) olyfolie

15 ml (1 e) suurlemoensap

sout en vars gemaalde peper

1 HOENDER Sprinkel die rooibostee op ’n groot stuk foelie. Vou die foelie toe, steek ’n paar gaatjies daarin en plaas in ’n swaarboomkastrol. Plaas ’n rakkie wat binne-in die kastrol sal pas, bo-op die foelie. Plaas kastrol oor matige hitte tot rook liggies begin trek.

2 Pak die hoenderborsies in ’n enkele laag op die rakkie, geur met sout en peper.

3 Plaas ’n vel tinfoelie oor die kastrol en plaas die deksel stewig op die kastrol. Verhit en rook vir 5-7 minute of tot net gaar. Verwyder hoender uit kastrol, laat afkoel en pluis rofweg.

2. Meng die hoender met die res van die slaaibestanddele.

3. SLAAISOUS Klits al die bestanddele vir die slaaisous saam en meng deur die slaai. Sit dadelik voor.

GEURIGE GEMMERVARK

1 kg ontbeende vark (verkieslik nek), in repies gesny

sout en vars gemaalde peper

3 repe bladspek, fyn gekap

bietjie olie

2 uie, fyn gekap

4 knoffelhuisies, fyngedruk

10 ml (2 t) gerasperde gemmer

750 ml (3 k) Carmien Lemongrass & Ginger-rooibostee

15 ml (1 e) mielieblom

gekapte koljanderblare

250 ml (1 k) gaar basmatirys vir voorsit

’n paar stingeluie, gekap

1 Geur die varkvleis met sout en peper en braai dit in ’n kastrol saam met die spekvleis in ’n bietjie verhitte olie tot effens bruin. Skep uit.

2 Braai die uie en knoffel tot sag, voeg die gemmer en vleis by.

3 Voeg by die vleismengsel. Bring tot kookpunt en laat prut tot die vleis sag is, 7 minute.

4 Meng die mielieblom met 30 ml (2 e) water en roer dit by. Roer aanhoudend tot die sous verdik.

5 Geur met sout en peper en sprinkel koljander oor.

6 Roer gekapte stingeluie by die rys en sit voor saam met die gemmervark.

DEM 7

  • Een hoender, baie maniere:

    • Geposjeerde hoender
    • Oosterse sop
    • Teriyaki hoender-en-rysslaai

Geposjeerde hoender

8 hoenderborsfilette

AFTREKSEL

1 ui, in kwarte gesny

6 stingeluie

1 heel brandrissie

1 stuk vars gemmer, in skywe gesny

4 knoffelhuisies, gekneus

60 ml (¼ k) rysasyn

60 ml (¼ k) teriyaki-sous

60 ml (¼ k) strooisuiker

1 L (4 k) Carmien Lemongrass & Ginger-rooibostee (6 sakkies)

SOUS

30 ml (2 e) kanola-olie

30 ml (2 e) gekapte koljanderblare

15 ml (1 e) lemmetjiesap

1 groenbrandrissie, gekap

80 ml (? k) van die kookvloeistof

sout na smaak

gaar Spekko-jasmynrys vir voorsit

  1. AFTREKSEL Meng al die aftrekselbestanddele in ’n groot pot. Plaas die hoender in die pot en verhit tot kookpunt.
  2. Verlaag die hitte en laat prut sowat 15-20 minute tot gaar. Haal van die stoof af en laat staan vir ’n uur.
  3. Verwyder die hoender uit die aftreksel en verdeel in 3.
  4. SOUS Meng al die sousbestanddele en geur met sout. Sny een deel hoender en sit voor saam met die jasmynrys en sous.

Oosterse sop

500 ml (2 k) aftreksel van geposjeerde hoender

250 ml (1 k) gaar parboiled Spekko-rys

2 gaar hoenderborsies, gepluis

4 baba pak choi of spinasie, in die lengte gehalveer

125 g ertjies

30 ml (2 e) vars koljanderblare, grof gekap

1 steel suurlemoengras

1 heel steranys

1 groen brandrissie, gekap (opsioneel)

10 ml (2 t) sagte bruinsuiker

sap van 1 lemmetjie

sout na smaak

  1. Verhit die aftreksel 3 minute in die mikrogolf en voeg die noedels by. Verhit nog 2 minute tot die noedels buigbaar is.
  2. Voeg die res van die bestanddele by en mikrogolf 5 minute. Geur met sout na smaak en sit warm voor.

Hoender-en-rysslaai

4 geposjeerde hoenderborsies, gepluis

SLAAI

1 pak baba spinasie of gewone spinasie, grof geskeur

½ komkommer, in linte gesny

4 stingeluie, in repies gesny

100 g suikerertjies

500 ml (2 k) gaar Spekko-jasmyn- of basmatirys

45 ml (3 e) boontjiespruite

SLAAISOUS

180 ml (3/4 k) afgekoelde posjeer-vloeistof

3 ml (ruim ½ t) Dijinmosterd

20-30 ml (4-6t) heuning

30 ml (2 e) kanola-olie

10 ml (2 t) gekapte ment en/of koljander

1 SLAAI Meng al die bestanddele buiten die boontjiespruite.

2 SLAAISOUS Klits al die bestanddele en giet oor die slaai. Meng en sprinkel die spruite oor.

DEM 8

  • Komkommersoesji
  • Franse hoenderbredie met groen olywe en pruimedante

KOMKOMMERSOESJI

MARINADE

80 ml (? k) Carmien Lemongrass & Ginger-rooibostee (2 sakkies), afgekoel

45 ml (3 e) soet sojasous

1 brandrissie, gekap

5 ml (1 t) vars gemmer, gerasper

ROLLETJIES

4 varknektjops, ontbeen

15 ml (1 e) olie

1 komkommer, met ’n aartappelskiller in linte gesny

250 ml (1 k) gaar jasmyn Spekko-rys (klewerig gekook)

’n hand vol vars koljanderblare

2 wortels, geskil en in stokkies gesny

VARS BRANDRISSIESOUS

80 ml (? k) Carmien Lemongrass & Ginger-rooibostee (2 sakkies), afgekoel

2 rooi brandrissies, ontpit en gekap

1 knoffelhuisie, fyngedruk

15 ml (1 e) bruinsuiker

30 ml (2 e) lemmetjiesap

45 ml (3 e) vissous

30 ml (2 e) ryswynasyn

1 MARINADE Klits al die bestanddele vir die marinade en giet oor die vleis. Laat minstens ’n uur marineer.

2 Braai die steaks in verhitte olie tot net gaar. Smeer gereeld met die marinade soos gebraai word. Laat 5 minute rus en sny dan in dun repe.

3 ROLLETJIES Pak 3 repe komkommer langs mekaar op ’n oppervlak (laat dit effe oorvleuel). Meng die rys met koljander. Pak ’n paar vleis- en wortelrepies saam met bietjie ry in die middel van die komkommerlinte en rol op. Herhaal met die res van die bestanddele. Halveer elke rolletjie.

DOOPSOUS Meng al die bestanddele vir die sous saam en sit voor saam met die rolletjies.

FRANSE HOENDERBREDIE MET GROEN OLYWE EN PRUIMEDANTE

2 heel koppe knoffel

80 ml (1/3 k) olyfolie

60 ml (1/4 k)  balsemieke asyn

80 ml (1/3 k)  droë origanum

250 g pruimedante

300 g groen olywe, ontpit

180 ml (¾k) wit wyn

180 ml (¾ k) groen Carmien-rooibostee

125 ml (½ k) kappertjiesade

8-10 hoenderborsfilette, in groterige stukke gesny

sout en peper na smaak

30 g koljanderblare

gaar Spekko-halfgaarrys vir voorsit

  1. Plaas die knoffelbolle in die mikrogolf 2-3 minute op hoog of tot die huisie sag is.
  2. Druk die knoffelpuree uit en meng met die res van die bestanddele buiten hoender en koljander.
  3. Giet oor die hoender en marineer oornag.
  4. Verhit ‘n bietjie olie in ’n groot pan. Verwyder die hoender uit die sous, geur met sout en peper en roerbraai effe. Voeg die ander bestanddele by, verlaag hitte en prut tot geurig. Sprinkel die koljanderblare oor. Sit voor saam met die rys.

DEM 9

  • Gebakte tuna-rystertjies met gerookte tamaties
  • Hoender-en-lietjiekerrie

GEBAKTE TUNA-RYSTERTJIES MET GEROOKTE TAMATIES

TUNA-RYSTERTJIES

500 ml (2 k) gaar Spekko Americano-rys

2 blikke (170 g elk) tuna, gedreineer

4 sondroë tamaties, gekap

60 ml (¼ k) mayonnaise

4 eiers, geklits

sout en peper

TAMATIES

250 ml (1 k) Carmien-rooibosteeblare

250 g baba-tamaties

Sondroë tamatiepesto

Voorverhit die oond tot 180°C. Smeer die holtes van ’n diep muffinpan.

1 TERTJIES Meng al die bestanddele vir die tertjies en geur met sout en peper.

2 Verdeel die mengsel tussen die muffinpanholtes en bak 25 min of tot gestol en effens bruin van bo.

3 TAMATIES Sprinkel die rooibostee op ’n groot stuk foelie. Vou die foelie toe, steek ’n paar gaatjies daarin en plaas in ’n swaarboom kastrol. Plaas ’n rakkie wat binne-in die kastrol sal pas, bo-op die foelie. Verhit oor matige hitte tot dit effe begin rook.

4 Pak die tamaties in ’n enkellaag op die rakkie, plaas ’n vel tinfoelie oor die kastrol en plaas die deksel op. Rook 3-5 minute. Meng die gerookte tamaties met bietjie tamatiepesto en sit voor saam met die tertjies.

HOENDER-EN-LIETSJIEKERRIE

6 hoenderborsies, in blokke gesny

sout en peper

30 ml (2 e) olie

30 ml (2 e) geroosterde masala

500 ml (2 k) Carmien Chai-rooibostee (3 sakkies)

250 ml (½ k) Griekse jogurt

1 blik (567 g) lietsjies met sap

10 ml (2 t) mielieblom

gaar Spekko-basmatirys

1. Geur die hoenderborsies met die sout en peper en braai effe in olie.

2. Meng die kerrie en rooibostee, voeg die res van die bestanddele buiten die lietsjies en mielieblom by en laat prut tot geurig.

3. Meng  sowat 125 ml (½ k) van die lietsjiesap met die mielieblom en voeg dit saam met die lietsjies by.

4. Laat die mengsel prut tot die sous effe verdik. Sit voor op basmatirys.

DEM 10

  • Frikkadel-nachoslaai
  • Stoombrood met lensie-ryskerrie

FRIKKADEL-NACHOSLAAI

FRIKKADELLE

500 g boerewors

250 ml (1 k) Spekko Americano-rys

SLAAISOUS

125 ml (½ k) groen Carmien-rooibostee, afgekoel

15 ml (1 t) witwynasyn of suurlemoensap

30 ml (2 e) olyfolie

1 knoffelhuisie, fyngedruk

3 ml (ruim ½ t) Dijon-mosterd

sout en peper na smaak

Knippie suiker

SLAAI

250 g baba-tamaties

125 g (½ pak) nacho’s

150 g gemengde slaaiblare

1 avokado, in stukke gesny

1. FRIKKADELLE Druk die vleis uit die wors, meng goed met die rys en vorm okkerneutgrootte-balletjies. Stoom die frikkadelletjies gaar in ’n bamboesstomer.

2. SLAAISOUS Klits al die bestanddele vir die slaaisous saam.

3 SLAAI Rangskik al die bestanddele vir die slaai in ‘n slaaibak, pak die frikkadelle bo-op en giet die slaaisous oor.

STOOMBROOD MET LENSIE-RYSKERRIE

VULSEL

2 uie, gekap

2-3 knoffelhuisies, fyngedruk

Olie

250 ml (1 k) gaar lensies

250 ml (1 k) gaar Spekko Americano-rys

45 ml (3 e) masala

5 ml (1 t) fyn komyn

1 blik (400 g) tamatiesmoor

45 ml (3 e) gekapte koljanderblare

BROOD

1 kg bereide brooddeeg

1 VULSEL Soteer die uie en knoffel in ’n bietjie olie tot sag. Voeg die res van die bestanddele by en roerbraai ’n paar minute.

2 BOLLETJIES Rol die deeg in bolletjies, en rol elkeen plat uit. Skep ’n lepel vol van die kerriemengsel in die middel van elke bolletjie en vou toe. Laat effe rys.

Plaas die bolletjies in ’n stomer en stoom 10 minute tot gaar. Geniet warm.