Genoeg vir 4 mense

Bereiding: 20 minute

Gaarmaaktyd: 20 minute

60 g margarien

½ ui, fyn gekap

45 ml (3 e) koekmeel

190 ml melk

250 g (250 ml) gladde maaskaas

5-8 pikantrissies, grof gekap

4 eiers, geskei

1 (¼ t) ml sout

vars gemaalde swartpeper na smaak

Voorverhit die oond tot 220 °C.

  1. Smelt die margarien in ’n kastrol en soteer die ui tot sag.
  2. Roer die meel by en voeg dan die melk geleidelik by terwyl gedurig geroer word. Laat prut tot die mengsel glad en dik is; roer af en toe.
  3. Verwyder van die hitte en voeg die maaskaas, pikantrissies en eiergele by en geur met sout en peper. Meng goed.
  4. Klits die eierwitte tot sagte punte begin vorm en vou dit dan by die maaskaasmengsel in.
  5. Giet dit in ’n ongesmeerde soufflébak of 4 individuele ramekins. Bak 20 minute of tot uitgepof en gaar.